Shpricha 22:22 - Pennsylvania Dutch Bible

²² Rawb di oahma nett veil si oahm sinn, un drett selli nett nunnah am richts-doah es in noht sinn;

Shpricha 22:22 ပူးပေါင်းရင်းမြစ်များ

Hiob 31:16

Vann ich ennich ebbes zrikk kohva habb funn di oahma, un habb di awwa funn di vitt-veivah glost shvach vadda,

Hiob 31:21

vann ich mei hand uf kohva habb geyyich selli unni eldra, diveil ich gvist habb es ich eena helfa kann am shtatt-doah,

2. Mosi 23:3

Du solsht em oahma mensh sei seit nett nemma vann du zeiknis gebsht yusht veil eah oahm is.

2. Mosi 23:6

Sei feah mitt oahmi leit vann du helfsht si richta in di court.

Shpricha 21:7

Es rawves funn di gottlohsa zayld si vekk shlayfa, veil si's nett doon fa recht du.

Shpricha 22:16

Sellah es di oahma nunnah drett fa sich selvaht reich macha, adda sellah es kshenkah gebt zu di reicha—si vadda awl zvay oahm.

Jesoiya 10:2

so es si di evvahsht-hand greeya kenna funn vitt-veivah un kinnah unni eldahra, un so es selli in noht iahra recht nett greeya, un di oahma funn mei leit iahra recht faliahra.

Ezekiel 22:29

Di leit uf em land sinn uneahlich un rawva leit; si dredda uf di oahma un selli es noht henn; si sinn uneahlich mitt di fremda, un gevva eena iahra recht nett.

3. Mosi 19:13

Du solsht dei nochbah nett uneahlich yoosa adda rawva. Hald nett da lohn funn dei gnecht zrikk biss da neksht dawk.

3. Mosi 25:17

Doond nannah nett letz yoosa, avvah firchtet eiyah Gott. Ich binn da Hah eiyah Gott.

Sacharia 7:10

Dreddet nett nunnah selli es vitt-veivah sinn adda kenn eldra henn, un aw nett selli es fremdi sinn unnich eich, adda selli es oahm sinn. Un denket nett evil in eiyah hatza geyyich eiyah broodah.’

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

5. Mosi 23:16

Eah soll unnich eich layva an ennichah blatz es eah vill un in di shtatt es eah vill. Doond een nett letz yoosa.