Shpricha 21:29 - Pennsylvania Dutch Bible

²⁹ Da gottlohs mann lost oh mitt seim kobb in di hay, avvah da ufrichtich mann denkt an vass eah dutt.

Shpricha 21:29 ပူးပေါင်းရင်းမြစ်များ

Psalm 119:5

Oh es mei vayya yusht shtandhaftich veahra, fa dei gebodda eahnshtlich halda!

Psalm 119:59

Ich habb an mei vayya gedenkt, un habb mei fees noch dei zeiknisa gedrayt.

Shpricha 11:5

Di gerechtichkeit funn di unshuldicha macht iahra vayk grawt, avvah di gottlohsa falla bei iahra aykni ungettlichkeit.

Shpricha 28:14

Ksaykend is da mann es da Hah immah firchta dutt, avvah sellah es sei hatz hatt macht kumd in druvvel.

Shpricha 29:1

En mann es oft gvand voah un is alsnoch dikk-kebbich, zayld bletzlich gebrocha sei unni hilf.

Shpricha 4:25

Loss dei awwa grawt fanna naus gukka, hald oh grawt fannich dich vatsha.

Shpricha 4:26

Hald di pawt grawt vo dei fees lawfa, un alles es du dusht drayt recht aus.

Shpricha 7:13

See hott hohld gnumma an eem un hott'n gekist, un unni shohm hott si ksawt:

Breddichah 8:1

Veah is vi da mensh mitt veisheit? Veah kann sacha auslayya? Veisheit macht en mann sei ksicht fraylich, un macht sei shteif ksicht vayyich.

Jeremia 5:3

Oh Hah, sinn nett dei awwa am gukka fa di voahheit? Du hosht si kshlauwa, avvah si kshpiahra's nett; du hosht si shiah ausgrivva, avvah si henn sich nett fabessaht. Si henn iahra ksichtah haddah gmacht es shtay, un henn's nett gedu fa sich bekeahra.

Jeremia 8:12

Doon si sich shemma bei awl dee sacha du? Nay, si henn kenn shohm; iahra ksichtah vadda nett even roht. Fasell zayla si falla unnich di kfallana; si vadda nunnah gebrocht vann ich si moll shtrohf,’ so sawkt da Hah.

Ezekiel 18:28

Veil eah drivvah denkt un drayt vekk funn awl sei ivvah-dreddes es eah gedu hott, dann zayld eah layva; eah zayld nett shtauva.

Haggai 1:5

Nau dess is vass da Awlmechtich Hah sawkt, “Denket vass am ohgay is unnich eich.

Haggai 1:7

Denket drivvah favass es es eich so shlecht gayt,” sawkt da Awlmechtich Hah.

Haggai 2:15

Nau denket dess goot ivvah funn demm dawk on. Denket zrikk vi sacha voahra eb diah ay shtay glaykt hend un ohkfanga hend da tempel bauwa.

1. Thessalonicher 3:11

Miah frohwa es Gott unsah Faddah, un unsah Hah Jesus Christus, uns da vayk uf macht zu eich.