Shpricha 20:7 - Pennsylvania Dutch Bible

⁷ Da gerecht mann fiaht en unshuldich layva, un ksaykend sinn sei kinnah noch eem.

Shpricha 20:7 ပူးပေါင်းရင်းမြစ်များ

1. Mosi 17:7

Un ich vill mei bund macha zvishich miah un diah un dei nohch-kummashaft noch diah, un iahra nohch-kummashaft. Dess soll en ayvich bund sei, es ich dei Gott sei zayl un da Gott funn dei nohch-kummashaft.

Hiob 1:1

Es voah en mann es Hiob kaysa hott es im land funn Uz gvoond hott. Deah mann voah unshuldich un ufrichtich; eah hott Gottes-furcht katt un hott sich vekk kalda funn evil.

Psalm 112:2

Sei nohch-kummashaft zayld mechtich sei im land, di kinnah funn di ufrichticha zayla ksaykend sei.

Psalm 15:2

Sellah es unshuldich is, un dutt vass recht is. Sellah es di voahret sawkt fumm hatz.

Psalm 26:1

Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.

Psalm 26:11

Avvah fa mich, ich fiah en unshuldich layva, mach mich saylich, un sei gnaydich zu miah.

Psalm 37:26

Si sinn immah goot-maynich un layna geahn, un iahra kinnah sinn ksaykend.

Shpricha 13:22

En goodah mann lost en eahbshaft zu sei kinds-kinnah, avvah di reichheit funn di sindah gayt zu di gerechta.

Shpricha 14:2

Sellah es ufrichtich lawft fircht da Hah, avvah sellah mitt grummi vayya fa'acht een.

Shpricha 14:26

Sellah es da Hah firchta dutt hott en shteikah glawva, un sei kinnah vadda aus di kfoah kalda.

Shpricha 19:1

'Sis bessah fa en oahmah mann sei es lawft in unshuld, es vi en unksheidah mann sei es di unvoahret sawkt mitt sei leftz.

Jesoiya 33:15

Sellah es lawft in gerechtichkeit, un shvetzt vass recht is, sellah es uneahlich geld nunnah drayt, un lost sei hand nett kshenkah nemma hinna rumm, sellah es nett abheicht zu selli es leit umbringa vella, un sellah es nett uf evil gukt.

Jeremia 32:39

Ich mach si ay vayk denka un ay vayk du so es si immah mich firchta fa iahra ayya goot un fa's goot funn iahra kinnah noch eena.

Lukas 1:6

Si voahra awl zvay gerecht fannich em Hah un sinn unshuldich fannich eem gloffa in awl di gebodda.

Di Apostelgeschichte 2:39

Deah Geisht is fashprocha zu eich un zu eiyah kinnah, un zu alli leit in awl lendah es da Hah unsah Gott roofa dutt.”

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.