28 Di voahheit un shtandhaftichkeit heeda da kaynich, un gerechtichkeit hald een uf seim kaynich-shtool.
Ich vill singa veyyich bamhatzichkeit un veyyich feah sei; zu diah, Oh Hah, vill ich lohb singa.
Da kaynich dutt sei fadrauwa in da Hah, un deich di bamhatzich leevi fumm Alli-Haychshta shtayt eah shtandhaftich.
Shaff's recht aus fa mich, oh Hah, fa ich habb en unshuldich layva kfiaht, un ich habb mei hofning in dich gedu unni zveifla.
Du haldsht dei bamhatzichkeit nett funn miah, oh Hah, loss dei leevi un dei voahheit di gans zeit mich heeda.
so es eah immah roold fannich Gott; vatsh ivvah een mitt dei grohsi leevi un voahheit.
Kaynicha hassa leit es unrecht doon, fa deich gerechtichkeit vatt iahra kaynich-shtool fesht gmacht.
Deich shtandhaftichi-leevi un voahheit vadda sinda fagevva, un deich di furcht fumm Hah hald en mann sich vekk funn evil.
Vann en kaynich di oahma richt mitt voahheit, zayld sei kaynich-shtool shtay fa'immah.
Loss leevi un shtandhaftichkeit dich nett falossa, binn si um dei hals rumm, un shreib si uf's babiah funn deim hatz.
No vatt en kaynich-shtool ufkokt in shtandhaftichi-leevi. En richtah zayld druff hokka in voahheit, aynah fumm Dawfit sei haus. Eah zayld recht richta, un di gerechtichkeit kshvind ausfiahra.
Dess is vass es maynd, oh kaynich, un dess is es gebott es da Alli-Haychsht gevva hott geyyich mei hah, da kaynich: