Shpricha 19:25 - Pennsylvania Dutch Bible

²⁵ Gebb en shpoddah shlayk, no vadda selli shmeaht es nett kshvind fashtayn; setz en mann recht mitt goodah fashtand, un eah grikt eisicht.

Shpricha 19:25 ပူးပေါင်းရင်းမြစ်များ

Psalm 141:5

Loss en gerechtah mann mich freindlich shlauwa, un mich recht setza veil eah's goot maynd. Loss een mich zanka; es is vi ayl uf mei kobb leahra, un mei kobb soll sich nett veahra digeyya. Doch ich bayt di gans zeit geyyich di ungerechta iahra verka.

Shpricha 1:5

Veah veisheit hott, zayld heicha un may lanna, un veah fashtayt zayld roht greeya in veisheit,

Shpricha 15:5

En dummah mann nemd seim faddah sei shtrohf nett oh, avvah veah-evvah es sich lost recht ksetzt sei is shmeaht.

Shpricha 17:10

En shmeahdah mann land may bei aymol gezankt vadda, es vi en dummah dutt bei en hunnaht mohl gegaysheld vadda.

Shpricha 21:11

Vann en shpoddah kshtrohft vatt, dann lanna even di dumma veisheit; vann ebbah mitt veisheit gland vatt, dann grikt eah eisicht.

Shpricha 9:7

Veah en shpoddah recht setzt, vatt yusht gebyoost difoah, un veah en gottlohsa mensh recht setzt, vatt fafolkt.

5. Mosi 13:11

No zayld gans Israel dess heahra un sich feicha. Un nimmand unnich eich zayld nochamohl so en evil ding du.

5. Mosi 21:21

No sella awl di mennah funn sei shtatt een doht shtaynicha. Sellah vayk vadda diah dess evila lohs es unnich eich is, un gans Israel zayld's heahra un sich feicha.

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.