Shpricha 19:20 - Pennsylvania Dutch Bible

²⁰ Heich ab zu goodah roht un nemm di lanning oh, so es du veisheit griksht fa shpaydah naus.

Shpricha 19:20 ပူးပေါင်းရင်းမြစ်များ

Psalm 37:37

Nemm acht fumm unshuldicha mann, un vatsh sellah es eahlich is. Fa da mann mitt fridda zayld nohch-kummashaft havva.

Psalm 90:12

So lann uns fa unsah dawwa zayla, so es unsah hatza veisheit greeya.

Psalm 90:14

Fill uns meiyets mitt dei shtandhaftichi-leevi, so es miah fraylich un froh sinn unsah layva lang.

Shpricha 1:2

Dee shpricha sinn kshrivva so es leit veisheit un lanning greeya kenna, un di vadda funn eisicht fashtay kenna;

Shpricha 1:3

dess is so es si lanning greeya kenna fa sich recht ohshikka, in gerechtichkeit, in richta un in eahlich sei;

Shpricha 1:8

Mei kind, heich ab vass dei daett dich land, un faloss nett di sacha es dei maemm dich gland hott.

Shpricha 12:15

Da unksheit mensh maynd sei ayknah vayk is recht, avvah ebbah mitt veisheit nemd roht.

Shpricha 13:10

Unnich di shtolsa is immah shtreit, avvah veisheit is kfunna bei selli es roht nemma.

Shpricha 15:32

Veah sich nix sawwa lost dutt sich selvaht vay, avvah veah roht ohnemd grikt lanning.

Shpricha 19:19

En mann es kshvind bays vatt muss betzawla difoah, vann du eem aus druvvel helfsht, musht's yusht viddah du.

Shpricha 4:1

Heichet mei kinnah, zu di lanning es en faddah gebt, gevvet acht, so es diah lanning un eisicht greeyet.

Shpricha 8:14

Ich habb goodah roht un veisheit; ich habb eisicht un graft.

Shpricha 8:33

Heichet dee famohning un greeyet veisheit, doond's nett fa'achta.

Jeremia 6:8

Nemm dee vanning, oh Jerusalem, adda ich dray mich vekk funn diah un mach dich in en veesht land es nimmand drinn voona kann.”

Zephania 3:7

Ich habb gedenkt veyyich di shtatt, ‘See zayld geviss mich nau firchta, un zayld sich recht setza lossa! No vatt iahra vohnung nett vekk gnumma, un mei shtrohf kumd nett uf see.’ Avvah di leit voahra yusht hitzich fa noch may letz du in alles es si doon.

4. Mosi 23:10

Veah kann da shtawb fumm Jakob zayla, adda even en faddel dayl funn Israel? Loss mich da doht shteahva funn di gerechta, un loss mei end sei vi iahres!”

5. Mosi 32:29

Vann si veisheit hedda, dayda si dess fashtay, si dayda vissa vass iahra end sei zayld.

5. Mosi 8:16

In di vildahnis hott eah eich manna gevva zu essa, sell es eiyah foah-feddah nett gekend henn, so es eah eich daymeedicha un fasucha hott kenna, un eich goot du hott kenna am end.