Shpricha 19:2 - Pennsylvania Dutch Bible

² 'Sis nett goot fa fleisich sei unni eisicht; veah zu shnell lawft mitt di fees fafayld da vayk.

Shpricha 19:2 ပူးပေါင်းရင်းမြစ်များ

2. Kaynicha 4:39

Ayns funn eena is naus in's feld ganga fa samm greidah sucha. Eah hott samm vildi ranka kfunna mitt biddahri ebbel, un hott so feel zammah gegeddaht es eah drawwa hott kenna in sei glaydah. Vo eah zrikk kumma is hott eah si ufkshnidda un in di pot mitt subb gedu. Nimmand hott gvist vass si voahra.

Hiob 31:5

Vann ich in falshheit gloffa binn, adda mei foos fafiahres nohch ganga is,

Shpricha 1:16

Iahra fees shpringa zumm evila, si sinn kshvind am bloot fageesa.

Shpricha 10:21

Di leftz funn di gerechta helfa feel, avvah di unksheida kumma um veil si kenn veisheit henn.

Shpricha 14:29

Ebbah es nett kshvind bays vatt hott veisheit, avvah ebbah es kshvind bays vatt veist vi dumm es eah is.

Shpricha 21:5

Vass di fleisicha im sinn henn fa du, macht si may es genunk havva, avvah ebbah es sacha zu kshvind dutt, kumd in di noht.

Shpricha 25:8

nemm's nett kshvind in di court, fa vass zaylsht du du am end vann dei nochbah veist es du letz bisht?

Shpricha 28:20

En shtandhaftichah mann zayld feel sayya havva, avvah aynah es kshvind reich vadda vill, zayld nett unkshtrohft gay.

Shpricha 28:22

En geitzichah mann is eahnshtlich fa reich vadda, un vayst nett es eah glei oahm sei zayld.

Shpricha 29:20

Saynsht du en mann es zu kshvind shvetzt? 'S hott may hofning fa en unksheidah mensh es fa een.

Breddichah 12:9

Da Breddichah hott nett yusht veisheit katt, avvah eah hott aw di leit gland un eena eisicht gevva. Eah hott sacha ivvah-gedenkt un ausksucht un feel shpricha ufkokt.

Breddichah 7:9

Loss dich nett kshvind zannich vadda im geisht, fa yusht selli unni veisheit halda da zann.

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Jesoiya 28:16

So dess is vass da Awlmechtich Hah sawkt, “Gukket moll, ich layk en shtay in Zion en shtay es ausbroviaht is, en keshtlichah ekk-shtay es goot gegrund is; veah in een glawbt, brauch nee nett angsht havva.

Hosea 4:6

Mei leit gayn unnah veil si nett gland sinn. Veil du lanning nunnah gedrayt hosht, dann dray ich dich aw nunnah fa mei preeshtah sei. Veil du's ksetz funn dei Gott fa'acht hosht dann fa'acht ich aw dei kinnah.

Johannes 16:3

Un si doon dess veil si nett da Faddah adda mich gekend henn.

Römer 10:2

Ich gebb eena zeiknis es si eahnshtlich sinn fa Gott, avvah iahra eahnsht is nett gebaut uf rechti eisicht.

Philipper 1:9

Dess is mei gebayt: es eiyah leevi may un may vaxt in eisicht un in sacha fashtay.