Shpricha 19:16 - Pennsylvania Dutch Bible

¹⁶ Sellah es es gebott hald, hald sei sayl; avvah sellah es sei vayk nett vatsht, kumd um.

Shpricha 19:16 ပူးပေါင်းရင်းမြစ်များ

Hiob 5:2

Shpeit bringd da unksheit um, un fagunsht shlakt da dumm doht.

Psalm 103:18

mitt selli es sei bund halda, un meinda fa sei gebodda du.

Shpricha 13:13

Veah's vatt fa'acht, bringd sich selvaht zu nix, avvah veah's gebott fircht, grikt en fadeensht.

Shpricha 15:32

Veah sich nix sawwa lost dutt sich selvaht vay, avvah veah roht ohnemd grikt lanning.

Shpricha 16:17

Da vayk funn di ufrichticha drayt vekk funn evil, un veah sei vayk vatsht hald sei layva.

Shpricha 21:16

Ennich ebbah es vekk lawft funn goodah fashtand, zayld uf enda in di fasamling funn di dohda.

Shpricha 21:23

Veah sei maul un zung vatsht, hald sich aus druvvel.

Shpricha 22:5

In di pawt funn di gottlohsa sinn danna un fang-shtrikka, avvah sellah es sich vatsht hald sich veit vekk funn eena.

Shpricha 29:18

Vo kenn offenbarung is, vadda di leit vild un veesht, avvah ksaykend sinn selli es es ksetz halda.

Shpricha 3:1

Mei kind, fagess nett vass ich dich gland habb, un hald mei gebodda in deim hatz.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Breddichah 8:5

Veah-evvah es eem heicht kumd nett in druvvel, un en hatz mitt veisheit vayst vass zu du an di recht zeit.

Jeremia 7:23

avvah ich habb eena dess gebott gevva: Heichet miah, no zayl ich eiyah Gott sei un diah zaylet mei leit sei. Lawfet folshtendich im vayk es ich eich gebodda habb. No zayld's goot gay mitt eich.

Ezekiel 33:5

Siddah es eah di vanning fumm blohs-hann keaht hott un hott sich nett vanna glost, dann is eah shuldich fa sei ayknah doht. Vann eah di vanning gnumma hett, dann hett eah layva bleiva kenda.

Matthäus 16:26

Vass dayt's en mensh goot du fa di gans veld an sich zeeya, un no sei sayl faliahra dideich? Adda vass soll en mensh fahandla fa sei sayl?

Lukas 10:28

Jesus hott ksawt, “Du hosht recht ksawt; du dess un du solsht layva.”

Lukas 11:28

Avvah eah hott ksawt zu iahra, “Yau, avvah ksaykend sinn dee vo Gottes Vatt heahra un's aw doon.”

Johannes 14:15

“Vann diah mich leeb hend, haldet mei gebodda.

1. Korinther 7:19

Di beshneidung is nix un nett beshnidda sei is aw nix, avvah di gebodda funn Gott halda is vass nohtvendich is.

1. Johannes 3:22

Un miah greeya funn eem vass-evvah es miah frohwa difoah, veil miah sei gebodda halda un doon vass eem kfellich is.

1. Johannes 5:3

Fa dess is di leevi funn Gott: es miah sei gebodda halda. Un sei gebodda sinn nett shveah.

Di Offenbarung 22:14

Ksaykend sinn selli es sei gebodda halda, so es si's recht henn zumm bohm funn layva, un daufa in di shtatt gay deich di doahra.