Shpricha 18:15 - Pennsylvania Dutch Bible

¹⁵ Di shmeaht meind grikt noch may lanning, un's oah mitt veisheit sucht eisicht.

Shpricha 18:15 ပူးပေါင်းရင်းမြစ်များ

1. Kaynicha 3:9

So gebb dei gnecht en hatz es veisheit hott fa dei leit richta, un fa vissa vass recht adda letz is. Fa veah kann so en mechtich folk vi dei leit richta?”

Hiob 8:10

Si kenna dich lanna un diah sawwa; iahra vadda sinn sacha es si gland henn.

Shpricha 1:5

Veah veisheit hott, zayld heicha un may lanna, un veah fashtayt zayld roht greeya in veisheit,

Shpricha 10:14

Ebbah mitt veisheit haybt zrikk vass eah vayst, avvah's maul fumm unksheida frohkt fa druvvel.

Shpricha 15:14

Leit es shmeaht sinn vella noch may lanning, avvah's maul funn di unksheida feedaht sich mitt dumheida.

Shpricha 15:31

Veah-evvah es abheicht zu roht es layva gebt, zayld voona unnich selli mitt veisheit.

Shpricha 23:23

Kawf di voahheit un du see nett fakawfa, grikk veisheit, lanning un eisicht.

Shpricha 4:5

Grikk veisheit, grikk fashtand, fagess di vadda funn mei maul nett, un dray nett vekk funna.

Shpricha 4:7

Da ohfang funn di veisheit is dess: Grikk veisheit, es macht nix aus vass es dich kosht, grikk eisicht.

Shpricha 9:9

Lann en mann mitt veisheit, un eah zayld may veisheit havva, lann en gerechtah mann, un eah macht sich may lanning.

Lukas 10:39

See hott en shveshtah katt es Maria kaysa hott. See hott sich nayksht an Jesus sei fees kokt un hott abkeicht vass eah am sawwa voah.

Epheser 1:17

Ich bayt es da Gott funn unsahm Hah Jesus Christus un da Faddah funn hallichkeit eich da geisht funn veisheit un eisicht gebt fa een bessah fashtay.

Jakobus 1:5

Vann ennich ebbah veisheit brauch unnich eich, loss een frohwa funn Gott, deah vo reichlich un geahn gebt zu awl mensha unni faylah finna, un dess vatt eem no gevva.