Shpricha 17:8 - Pennsylvania Dutch Bible

⁸ Geld gevva hinna rumm is vi en keshtlichah shtay zu sellem es es gebt, eah maynd es grikt eem alles es eah brauch.

Shpricha 17:8 ပူးပေါင်းရင်းမြစ်များ

1. Mosi 32:14

Zvay hunnaht gays un zvansich gays-bekk, zvay hunnaht shohf un zvansich shohf-bekk,

1. Mosi 32:21

So sinn sei kshenkah fannich eem heah ganga, avvah eah is selli nacht hinna bei di ivvahrichi geblivva.

1. Mosi 43:11

No hott da Israel, iahra daett, ksawt zu eena, “Vann's dann so sei muss, dann doond dess: Nemmet fumm beshta sach im land, doond's in eiyah sekk un drawwet's nunnah zumm mann fa en kshenk. Nemmet en vennich balsam, hunnich, shpeisichah gum, myrrhe, niss un almonds.

Psalm 18:16

Eah hott runnah glangd funn ovva-heah un hott hohld gnumma funn miah; eah hott mich ruff gezowwa aus em deefa vassah.

Psalm 19:6

See kumd uf an aym end funn di himla, un bleibt in iahra pawt biss an's annah end. Nix kann sich fashtekla funn iahra hitz.

Psalm 21:13

Hayb dich hohch uf, oh Hah, in dei graft, miah zayla singa un dei macht lohva.

Psalm 29:4

Di shtimm fumm Hah is greftich, di shtimm fumm Hah is hallich.

2. Mosi 23:8

Du solsht kenn geld nemma fa leeya sawwa in di court. So geld macht selli blind es sayna, un fadrayt di vadda funn di gerechta.

Shpricha 17:23

En gottlohsah mensh nemd geld hinna rumm, un fabeekt da vayk es recht is.

Shpricha 18:16

Em mann sei kshenk macht di deah uf fa een, un bringd een fannich hohch-geahdi mennah.

Shpricha 21:14

En kshenk es hinna rumm gevva is, drayt da zann; un en betzawling fashtekkeld kalda, drayt even grohsah zann.

Breddichah 7:7

En mann mitt veisheit es fashvetzt vatt, faliaht sei veisheit, un en kshenk es gevva vatt hinna rumm, fadeahbt's hatz.

Jesoiya 1:23

Eiyah roolahs drayya sich geyyich Gott, un shaffa mitt deeb; si gleicha geld hinna rumm nemma, un sucha fa kshenkah. Si shtayn nett uf fa selli unni eldra, un heicha da glawk funn vitt-veivah nett ab.

Amos 5:12

Fa ich vays vi oft es diah ivvah-dreddet, un vi grohs es eiyah sinda sinn. Diah drikket di gerechta nunnah un nemmet geld hinna rumm, un haldet di oahma funn iahra recht greeya in di richts-bletz.

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

5. Mosi 16:19

Diah sellet nett unnahshidlich sei in eiyah gericht, un sell vass recht is nett beeya. Diah sellet kenn kshenkah nemma hinna rumm, fa so kshenkah fablenna di awwa funn selli mitt veisheit un fadrayya di vadda funn di gerechta.

1. Samuel 25:35

No hott da Dawfit funn iahra hand gnumma vass see gebrocht katt hott zu eem. Eah hott ksawt, “Gay haym in fridda; ich habb dei vadda keaht un diah gevva vass du kfrohkt hosht.”