Shpricha 17:19 - Pennsylvania Dutch Bible

¹⁹ Sellah es en leevi hott fa zadda gleicht shtreit, un sellah es sei doah hohch macht is am gukka fa druvvel.

Shpricha 17:19 ပူးပေါင်းရင်းမြစ်များ

2. Samuel 15:1

Samm zeit shpaydah, hott da Absalom sich ufksetzt mitt en greeks-vauwa mitt geil, un fuftzich mennah es fannich eem heah kshprunga sinn.

1. Kaynicha 1:5

Nau di Haggith iahra boo da Adonia hott sich selvaht ufkohva un hott ksawt, “Ich zayl kaynich sei.” So hott eah veyya un geil grisht, un hott fuftzich mennah grikt fa fannich eem heah shpringa.

Shpricha 16:18

Di shtolsheit gayt fannich's fadauves heah, un da hohchmoot fannich em fall.

Shpricha 17:14

Da ohfang funn shtreit is vi en damm am rinna, so shtobbet's eb's graysah vatt.

Shpricha 18:12

Eb en mann fald, is sei hatz shtols, avvah eb di eah, kumd daymeedichkeit.

Shpricha 24:27

Mach dei eahvet seahsht faddich draus, un grikk dei feldah grisht; noch sellem bau dei haus.

Shpricha 29:9

Vann en mann mitt veisheit viddahbat hott mitt en unksheidah mensh, dann dutt da unksheit laut shvetza un shpodda, un's is kenn fridda.

2. Korinther 12:20

Fa ich feicht fleicht vann ich moll kumm, finn ich eich nett vi ich eich havva vill, un diah finnet mich nett vi diah mich havva vellet. Ich feicht es zayld shtreit, fagunsht, zann, en gezah, unvoahret, kshvetzah, selvaht ufblohsa un ufruah sei.

Jakobus 1:20

fa da zann funn mensha shaft di gerechtichkeit funn Gott nett aus.