Shpricha 16:33 - Pennsylvania Dutch Bible

³³ Es lohs vatt gezowwa bei's in en shohs shmeisa, avvah's fald vi da Hah es havva vill.

Shpricha 16:33 ပူးပေါင်းရင်းမြစ်များ

Nehemia 11:1

Nau di evvahshta funn di leit henn in Jerusalem gvoond. Avvah di ivvahricha funn di leit henn's lohs gezowwa fa aynah aus zeyya rei bringa in di heilich shtatt Jerusalem fa datt voona, diveil es di anra neina in iahra aykni shtett bleiva.

Shpricha 16:32

Es is bessah fa nett kshvind bays vadda es vi fa mechtich sei, un veah sei zann meishtaht, is bessah es aynah es en shtatt ivvah-nemd.

Shpricha 18:18

Da lohs zeeya bringd en end zu shtreit, un seddeld di sacha zvishich di mechticha.

Shpricha 29:26

Feel vella ohksenna sei bei en roolah, avvah en recht gericht kumd fumm Hah.

Ezekiel 21:21

Fa da kaynich funn Babylon zayld shtobba an di gavvel fumm vayk vo di zvay vayya zammah kumma. Datt lost eah sich voah-sawwa un yoost arrows fa's lohs zeeya. Eah frohkt sei abgettah un gukt an di levvah funn seim opfah-diah.

3. Mosi 16:8

Eah soll's lohs zeeya fa di zvay gays, ay lohs fa da Hah un's anrah fa da gays es lohs gedrayt sei zayld.

Jona 1:7

No henn di shaff-leit ksawt zu nannah, “Kummet, vella's lohs zeeya fa ausfinna deich vemm sei shuld es dess eviles ivvah uns kumma is.” Si henn no's lohs gezowwa un's is uf da Jona kfalla.

Di Apostelgeschichte 1:26

Si henn gezowwa im lohs, un's lohs is uf da Matthias kfalla. Eah voah no gezayld mitt di elf aposhtla.

Joshua 18:10

Da Joshua hott no's lohs gezowwa fa si fannich em Hah datt in Silo. Eah hott's land fadayld unnich di Kinnah-Israel, yaydah vann zu seim dayl.

Joshua 18:5

Si sella's land in sivva daylah macha. Di nohch-kummashaft fumm Juda bleibt in iahrem land in di saut, un selli fumm Joseph in iahrem land in di natt.

Joshua 7:14

Meiya free sellet diah eich awl fannich da Hah fasamla, shtamm bei shtamm. Di shtamm es da Hah raus layst, soll sich no fasamla fannich eem, kshlecht bei kshlecht. Di kshlecht es da Hah raus layst soll sich no fasamla fannich eem, family bei family. Di family es da Hah raus layst soll sich no fasamla fannich em Hah, mann bei mann.

Richtah 20:9

Avvah dess is vass miah du zayla zu Gibea: Miah zeeya im lohs, fa sayna vi ma uns fadayla vella fa nuff gay.

1. Samuel 10:19

Avvah heit hend diah eiyah Gott nunnah gedrayt, deah es eich frei gmacht hott funn awl eiyah noht un dreebsawl; doch hend diah ksawt, ‘Nay, setz en kaynich ivvah uns.’ So nau, veiset eich fannich em Hah bei eiyah kshlechtah un shtamma.”