Shpricha 16:24 - Pennsylvania Dutch Bible

²⁴ Blesiahlichi vadda sinn vi hunnich, si sinn sees zu di sayl un hayla di gnocha.

Shpricha 16:24 ပူးပေါင်းရင်းမြစ်များ

Psalm 119:103

Oh, vi sees sinn dei vadda zu miah, seesah es hunnich zu mei maul.

Psalm 19:10

Si sinn may veaht es gold, even's feinsht gold. Si sinn seesah es hunnich, even pyuahrah hunnich.

Shpricha 12:18

Vadda es zu kshvind kshvetzt sinn, shtecha vi en shvatt, avvah di zung funn selli mitt veisheit, bringd hayles.

Shpricha 15:23

Es is en frayt zu en mann vann eah en goot andvat gebt, un vi goot is es recht vatt an di recht zeit!

Shpricha 15:26

Da Hah hast di gedanka funn di gottlohsa, avvah di vadda funn di reina sinn eem kfellich.

Shpricha 17:22

En fraylich hatz macht ebbah ksund, avvah en bedreebdah geisht drikkeld di gnocha uf.

Shpricha 23:16

Mei innahlichi sayl is froh, vann dei leftz shvetza vass recht is.

Shpricha 27:9

Goot-shmakkich ayl un insens macht's hatz froh, un en mann sei roht is sees zu sei freind.

Shpricha 3:8

Dess macht dei leib ksund, un macht dei gnocha shteik.

Shpricha 4:22

fa si sinn layva zu selli es si finna, un ksundheit zu iahra gans leib.

Breddichah 12:10

Da Breddichah hott ksucht fa di rechta vadda, un vass eah kshrivva hott voah ufrichtich un di voahheit.

Hohches Leet 4:11

Dei leftz sinn sees vi hunnich, mei hochtzich-maydel, millich un hunnich sinn unnich dei zung. Da goot kshmakk funn dei glaydah is vi da kshmakk funn Lebanon.

Jeremia 15:16

Dei vadda voahra kfunna, un ich habb si gessa, dei vadda sinn mei frayt un da drohsht funn meim hatz, fa ich binn kaysa bei deim nohma, oh Hah Awlmechtichah Gott.

5. Mosi 32:2

Loss vass ich eich lann, runnah falla vi reyyah un mei vadda vi da dau, vi di drobba uf nei graws, un vi goodah reyya uf neiyi shprauts.

Di Offenbarung 10:10

Ich habb no's glay bichli aus em engel sei hand gnumma un habb's gessa. Es voah sees vi hunnich in meim maul, avvah vo ich's gessa katt habb, is mei mawwa biddah vadda.