Shpricha 15:7 - Pennsylvania Dutch Bible

⁷ Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Shpricha 15:7 ပူးပေါင်းရင်းမြစ်များ

Psalm 119:13

Mitt mei leftz fazayl ich awl di adnunga funn deim maul.

Psalm 37:30

'S maul fumm gerechta mann shvetzt veisheit, un sei zung sawkt vass recht is;

Psalm 45:2

Du bisht da shensht unnich di mensha-kinnah; dei leftz sinn ksalbt mitt gnawt, un Gott hott dich ksaykend fa'immah.

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Shpricha 15:6

Im gerechta sei haus sinn feel keshtlichi sacha, avvah vass da gottlohs einemd gebt eem yusht druvvel.

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 16:23

Es hatz funn en mann mitt veisheit veist sich in seim kshvetz, un vass eah sawkt macht leit eisayna mitt eem.

Shpricha 5:2

so es du vaysht vi fa dich oh zu shikka, un di vadda funn dei leftz eisicht veisa.

Breddichah 10:2

Es hatz fumm mann mitt veisheit gayt rechts, avvah's hatz fumm unksheida gayt lings.

Hohches Leet 4:11

Dei leftz sinn sees vi hunnich, mei hochtzich-maydel, millich un hunnich sinn unnich dei zung. Da goot kshmakk funn dei glaydah is vi da kshmakk funn Lebanon.

Matthäus 10:27

Vass ich eich sawk im dunkla, sellet diah sawwa im licht fumm dawk. Un vass diah heahret im oah, dess sella diah breddicha funn di haus-dechah.

Matthäus 12:34

Diah kinnah funn shlanga! Vi kennet diah vo evil sind goodi sacha sawwa? Da mensh sawkt mitt em maul, vass fumm hatz ivvah-lawft.

Markus 16:15

No hott eah eena ksawt, “Gaynd naus ivvah di gans veld un breddichet's Effangaylium zu awl mensha.

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

2. Timotheus 2:2

Un di sacha es du keaht hosht funn miah deich feel zeiya, dess gebb zu shtandhaftichi mensha, so es si no aw anri lanna kenna.

Jakobus 3:6

Di zung is aw en feiyah. See is en veld foll ungerechtichkeit, un macht's gans ivvahrich fumm leib unrein. See shtekt unsah gans layva oh mitt feiyah un is selvaht ohkshtekt bei em feiyah funn di hell.