Shpricha 15:33 - Pennsylvania Dutch Bible

³³ Di furcht fumm Hah land en mann veisheit havva, un daymoot kumd eb grohsi eah.

Shpricha 15:33 ပူးပေါင်းရင်းမြစ်များ

Esther 2:15

Nau vo's di Esther iahra zeit voah (dess is es maydel es da Mordecai ohgnumma hott, un es seim uncle Abihail sei maydel voah) fa nei gay zumm kaynich, hott see yusht kfrohkt fa mitt sich nemma vass da Hegai iahra ksawt hott. Da Hegai voah em kaynich sei kammah-gnecht es ivvah's veivah-haus voah. Un di Esther voah goot ohksenna bei alli-ebbah es see ksenna hott.

Hiob 28:28

Un zumm mensh hott eah ksawt, ‘Gukk moll, di furcht fumm Hah, sell is veisheit, un fa sich vekk halda funn evil, sell is fashtendes.’”

Psalm 111:10

Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Psalm 34:11

Kummet, mei kinnah, heichet mich ab; ich lann eich fa da Hah firchta.

Shpricha 1:2

Dee shpricha sinn kshrivva so es leit veisheit un lanning greeya kenna, un di vadda funn eisicht fashtay kenna;

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Shpricha 15:32

Veah sich nix sawwa lost dutt sich selvaht vay, avvah veah roht ohnemd grikt lanning.

Shpricha 16:1

Vass da mensh im sinn hott fa du kumd fumm mensh, avvah sell es di zung sawwa soll kumd fumm Hah.

Shpricha 18:12

Eb en mann fald, is sei hatz shtols, avvah eb di eah, kumd daymeedichkeit.

Shpricha 29:23

En shtolsah mann vatt niddah gebrocht, avvah en daymeedichah mann grikt hohchi eah.

Shpricha 8:13

Di furcht fumm Hah maynd du hasht evil; ich hass shtolsheit un hohchmoot, en evil layves-lawf un falshi kshvetzah.

Lukas 14:11

Fa veah sich selvaht uf haybt deah zayld nunnah gedu vadda, un veah sich daymeedich hald, deah zayld uf kohva vadda.”

Jakobus 4:10

Daymeedichet eich fannich Gott un eah haybt eich uf.

1. Petrus 5:5

In en gleichlichah vayk, diah vo yingah sind, gevvet eich unnich selli vo eldah sinn. Glaydet eich mitt daymoot geyyich nannah, fa “Gott veaht sich geyyich di shtolsa, avvah gebt gnawt zu di daymeedicha.”