Shpricha 15:28 - Pennsylvania Dutch Bible

²⁸ Di meind funn di gerechta denkt eb si andvat gebt, avvah's maul funn di gottlohsa shpautzt yusht evili sacha.

Shpricha 15:28 ပူးပေါင်းရင်းမြစ်များ

Psalm 59:7

Gukk moll, si fafolka mitt iahra meilah, shvadda kumma aus iahra leftz, fa si sawwa, “Veah heaht dess?”

Shpricha 10:19

Vo feel vadda sinn, datt is di sind aebt fa sei, avvah veah sei leftz zu haybt, hott veisheit.

Shpricha 10:32

Di leftz funn di gerechta shvetza kshikti sacha, avvah's maul funn di gottlohsa shvetzt falshheit.

Shpricha 13:16

En fashtendlichah mann dutt alles mitt eisicht, avvah da unksheit mann veist vi dumm es eah is.

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Shpricha 16:23

Es hatz funn en mann mitt veisheit veist sich in seim kshvetz, un vass eah sawkt macht leit eisayna mitt eem.

Shpricha 29:11

En unksheidah mann lost sei zann raus, avvah en mann mitt veisheit haybt seinah zrikk.

Shpricha 29:20

Saynsht du en mann es zu kshvind shvetzt? 'S hott may hofning fa en unksheidah mensh es fa een.

Breddichah 5:2

Sei nett kshvind mitt deim maul, un aw nett mitt deim hatz, fa ennich ebbes sawwa fannich Gott. Gott is im himmel un du bisht uf di eaht, so loss dei vadda vennich sei.

Breddichah 5:6

Loss nett dei maul dich in sinda bringa. Sawk nett zumm engel, “Sell vass ich fashprocha katt habb, habb ich nett gmaynd.” Favass setsht du Gott bays macha bei nett du vi du fashprocha hosht, un een lossa alles fadauva es du gmacht hosht mitt dei hend?

Matthäus 12:34

Diah kinnah funn shlanga! Vi kennet diah vo evil sind goodi sacha sawwa? Da mensh sawkt mitt em maul, vass fumm hatz ivvah-lawft.

1. Petrus 3:15

avvah heilichet Gott es da Hah in eiyah hatza. Un seind immah grisht fa en andvat gevva mitt daymoot un furcht zu alli-ebbah es eich frohkt veyyich di hofning es in eich is.

2. Petrus 2:18

Si shvetza grohsi vadda es nix mayna, un deich da lusht fumm flaysh zeeya si leit zu sich es yusht so goah vekk kumma voahra funn selli es in sinda layva.