Shpricha 15:23 - Pennsylvania Dutch Bible

²³ Es is en frayt zu en mann vann eah en goot andvat gebt, un vi goot is es recht vatt an di recht zeit!

Shpricha 15:23 ပူးပေါင်းရင်းမြစ်များ

Hiob 6:25

Eahlichi vadda doon vay, avvah vass batt eiyah viddah-shtreit?

Shpricha 12:14

Feel goodes kumd zumm mann deich di frucht funn seim maul, un deich di eahvet funn sei hend grikt eah vass eah fadeend hott.

Shpricha 12:25

En engshtlich hatz drikt en mann nunnah, avvah en freindlich vatt gebt eem frayt.

Shpricha 15:22

Unni roht gayt sell letz vass ma im sinn hott fa du, avvah mitt feel roht shaft alles goot aus.

Shpricha 16:13

Kaynicha henn blesiah in eahlichi leftz, si leeva en mann es di voahret sawkt.

Shpricha 16:24

Blesiahlichi vadda sinn vi hunnich, si sinn sees zu di sayl un hayla di gnocha.

Shpricha 24:26

En eahlich andvat is vi en kuss uf di leftz.

Breddichah 3:1

Es is en zeit ksetzt fa alles. Un alles es foah-gnumma vatt unnich em himmel hott sei zeit:

Jesoiya 50:4

Gott da Hah hott miah di zung gevva funn selli es gland sinn, fa vissa vels vatt es selli helft es matt sinn. Eah vekt mich uf alli meiya, eah vekt mei oah uf fa heahra vi aynah es am lanna is.

Johannes 1:37

Di zvay yingah henn een keaht dess sawwa no sinn si Jesus nohch ganga.

Johannes 11:29

Un vo see dess keaht hott is see kshvind ufkshtanna un is zu eem ganga.

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.