Shpricha 15:10 - Pennsylvania Dutch Bible

¹⁰ Sellah es da vayk falost, vatt oahrich kshtrohft; sellah es hast recht ksetzt sei, kumd um.

Shpricha 15:10 ပူးပေါင်းရင်းမြစ်များ

1. Kaynicha 18:17

Vo eah da Elia ksenna hott, hott eah ksawt zu eem, “Is sell dich, du druvvel-machah fa Israel?”

1. Kaynicha 21:20

No hott da Ahab ksawt zumm Elia, “So du hosht mich kfunna, mei feind.” “Ich habb dich kfunna,” hott da Elia ksawt, “veil du dich fakawft hosht fa evil du im Hah sei awwa.

1. Kaynicha 22:8

Da kaynich funn Israel hott ksawt zumm Josaphat, “Es is alsnoch ay mann, da Micha, em Imla sei boo. Miah kenna da Hah frohwa deich een. Avvah ich hass een, veil eah nee nix goodes broffetzeit veyyich miah, avvah immah shlechtes.” Avvah da Josaphat hott ksawt, “Da kaynich sett sell nett sawwa.”

Hiob 34:27

veil si vekk gedrayt sinn funn eem nohch gay, un henn awl sei vayya fa'acht.

Psalm 50:17

Fa du hasht vass ich diah sawk fa du, un shmeisht mei vadda hinnich dich.

Shpricha 1:25

Diah hend awl mei roht fa'acht, un hend mei shtrohf nett havva vella.

Shpricha 1:30

Si henn mei roht nett ohgnumma, un henn mich nett glost si recht setza,

Shpricha 10:17

Veah sich famohna lost is uf em vayk zu layva, avvah veah's recht-setza nett ohnemd gayt fafiaht.

Shpricha 12:1

Ennich ebbah es eisicht leeb hott, gleicht recht ksetzt sei, avvah ennich ebbah es nett gleicht recht ksetzt sei is dumm.

Shpricha 13:1

En boo mitt veisheit heicht ab vass sei faddah eem sawkt, avvah en shpoddah nemd di shtrohf nett oh.

Shpricha 15:11

Da doht un's grawb sinn abgedekt fannich em Hah, vi feel may sinn di hatza funn mennah!

Shpricha 15:9

Da vayk funn di gottlohsa is grauslich zumm Hah, avvah eah leebt selli es gerechtichkeit nohch gayn.

Shpricha 23:35

“Si henn mich kshlauwa,” zaylsht du sawwa, “avvah's dutt mich nett vay; si henn mich geglobt, avvah ich feel's nett. Vann zayl ich ufvekka so es ich noch en drink havva kann?”

Shpricha 5:12

Du zaylsht sawwa, “Vi oahrich habb ich kast recht ksetzt sei; mei hatz hott zankes nunnah gedrayt.

Jeremia 2:17

Hosht du dess nett uf dich selvaht gebrocht, vo du da Hah dei Gott falossa hosht, an di zeit es eah dich kfiaht hott uf em vayk?

Ezekiel 33:9

Avvah vann du da gottlohs mensh vansht fa vekk drayya funn sei sinda, un eah dutt's nett, dann zayld eah shtauva in sei sinda, avvah du hosht dei sayl frei gmacht.

Johannes 3:20

Fa alli-ebbah es evil dutt, hast's licht, un hald sich vekk funn di helling, fafiah es sei verka auskfunna vadda un kshtrohft vadda.

Johannes 7:7

Di veld kann eich nett hassa, avvah di veld hast mich veil ich zeiknis gebb es vass see dutt is evil.