Shpricha 14:31 - Pennsylvania Dutch Bible

³¹ Veah-evvah es di oahma nunnah drett, leshtaht Sellah es si gmacht hott, avvah ebbah es bamhatzich is zu selli in noht, eaht Gott.

Shpricha 14:31 ပူးပေါင်းရင်းမြစ်များ

Hiob 24:4

Si sheeva selli aus iahra vayk es noht henn, un di oahma im land missa sich fashtekla.

Psalm 12:5

Avvah da Hah sawkt, “Veil di shvacha nunnah gedredda sinn, un selli mitt noht am yammahra sinn, nau shtayn ich uf. Ich zayl hilf gevva zu eena, sell vass si en falanga henn difoah.”

Shpricha 14:21

Sellah es nunnah gukt uf sei nochbah, sindicht, avvah sellah es bamhatzich is zu di oahma is ksaykend.

Shpricha 17:5

Veah di oahma fashpott dutt Deah nunnah es si gmacht hott, un veah blesiah nemd in ebbah shunsht sei druvvel zayld kshtrohft vadda.

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Shpricha 22:16

Sellah es di oahma nunnah drett fa sich selvaht reich macha, adda sellah es kshenkah gebt zu di reicha—si vadda awl zvay oahm.

Shpricha 22:2

Di reicha un di oahma sinn gleicha in ay ding; da Hah hott si awl gmacht.

Shpricha 28:8

Vann ebbah reich vatt bei zu feel indressa tsheahtsha, sellah geddaht's fa ebbah shunsht es bamhatzich is zu di oahma.

Breddichah 5:8

Vann du di oahma im land saynsht nunnah gedredda sei un si vadda grawbt funn iahra recht, dann fashtaun dich nett diveyya. En roolah is gvatsht bei aynah es ovvich eem is, un si sinn awl zvay gvatsht bei anri es ovvich eena sinn.

3. Mosi 25:17

Doond nannah nett letz yoosa, avvah firchtet eiyah Gott. Ich binn da Hah eiyah Gott.

3. Mosi 25:35

Vann ayns funn eiyah Israeliddishi breedah oahm vatt un kann sich nett am gay halda unnich eich, helfet eem vi diah en ausahrah adda en fremdah daydet, so es eah ohhalda kann unnich eich voona.

Johannes 12:8

Diah hend di oahma immah bei eich, avvah diah hend mich nett immah bei eich.”

5. Mosi 24:14

Diah sellet da lohn nett zrikk hayva funn eiyah gnechta es oahm sinn un noht henn. Dess is eb si eiyah aykni breedah sinn, adda ausahri sinn es in ayns funn eiyah shtett voona.

1. Johannes 4:21

Un miah henn dess gebott funn eem: veah Gott leebt sett aw sei broodah leeva.