Shpricha 14:29 - Pennsylvania Dutch Bible

²⁹ Ebbah es nett kshvind bays vatt hott veisheit, avvah ebbah es kshvind bays vatt veist vi dumm es eah is.

Shpricha 14:29 ပူးပေါင်းရင်းမြစ်များ

Shpricha 14:17

En mann es kshvind bays vatt dutt dummi sacha, un en shlichtichah mann vatt kast.

Shpricha 14:28

Vann en kaynich feel leit hott, hott eah grohsi hallichkeit, avvah unni feel leit kumd eah zu nix.

Shpricha 15:18

Ebbah es kshvind bays vatt shtatt shtreit uf, avvah en geduldichah mann keeld da zann ab.

Shpricha 16:32

Es is bessah fa nett kshvind bays vadda es vi fa mechtich sei, un veah sei zann meishtaht, is bessah es aynah es en shtatt ivvah-nemd.

Shpricha 17:27

En mensh mitt eisicht sawkt nett feel, un en mann es sacha fashtayt, vatt nett ufkshtatt.

Shpricha 19:11

En mann sei veisheit gebt eem geduld; 'sis zu sei eah vann eah's fa'achta dutt vann eah faletzt vatt.

Shpricha 25:28

En mann es sei zann nett zrikk hayva kann, is vi en uffeni shtatt unni mavvahra.

Shpricha 25:8

nemm's nett kshvind in di court, fa vass zaylsht du du am end vann dei nochbah veist es du letz bisht?

Shpricha 4:8

Acht di veisheit hohch, un see haybt dich hohch uf, nemm see oh, un see gebt diah grohsi eah.

Breddichah 10:6

Samm unksheidi leit vadda in hohchi bletz gedu, diveil es di reicha in niddahri bletz gedu vadda.

Breddichah 7:8

Es end funn ebbes is bessah es da ohfang, un en geduldichah geisht is bessah es en hohchmeedichah.

Breddichah 7:9

Loss dich nett kshvind zannich vadda im geisht, fa yusht selli unni veisheit halda da zann.

4. Mosi 12:3

(Nau da Mosi voah en daymeedichah mensh, may so es alli mensh uf di eaht.)

Matthäus 11:29

Nemmet mei yoch uf eich un lannet funn miah. Ich binn sanftmeedich un daymeedich im hatz, un diah finnet roo fa eiyah sayl,

Matthäus 2:16

Vo da Herodes ksenna hott es di mennah mitt veisheit een fafiaht henn, voah eah oahrich bays un hott addahs gevva fa awl di glenna boovlen doht macha in Bethlehem un nayksht datt rumm. Si henn sella awl dee doht macha es zvay yoah ald un yingah voahra. Dess hott eikseit mitt di zeit es eah auskfunna katt hott funn di mennah mitt veisheit.

Jakobus 1:19

Fasell, mei leevi breedah, loss alli mann kshvind sei fa heahra, shloh fa shvetza, un aw shloh sei fa bays vadda;