Shpricha 14:26 - Pennsylvania Dutch Bible

²⁶ Sellah es da Hah firchta dutt hott en shteikah glawva, un sei kinnah vadda aus di kfoah kalda.

Shpricha 14:26 ပူးပေါင်းရင်းမြစ်များ

1. Mosi 31:42

Vann da Gott funn meim faddah, da Gott fumm Abraham un di Furcht fumm Isaac nett bei miah gvest veah, hetsht du mich veiklich fatt kshikt mitt leahri hend. Gott hott mei dreebsawl ksenna un aw vi hatt es ich kshaft habb, so hott eah dich gezankt un gvand letsht nacht.”

Psalm 112:1

Lohb sei zumm Hah! Ksaykend is da mann es da Hah fircht, sellah es grohsi frayt hott in sei gebodda.

Shpricha 14:27

Di furcht fumm Hah is en shpring funn layva, un hald ebbah aus em fang-shtrikk fumm doht.

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Shpricha 19:23

Di furcht fumm Hah fiaht zumm layva, no kann ebbah roowa un is frei funn druvvel.

Shpricha 20:7

Da gerecht mann fiaht en unshuldich layva, un ksaykend sinn sei kinnah noch eem.

Breddichah 7:18

Es is goot fa ayns fashtay, un nett gay lossa fumm anra. Sellah es Gott fircht dutt nix ivvah di maws.

Jesoiya 33:6

Eah zayld eich shtandhaftich halda an eiyah zeit, eah hald eich aus di kfoah un gebt eich veisheit un eisicht; di furcht fumm Hah is keshtlich zu eem.

Jeremia 15:11

Da Hah hott ksawt, “Ich zayl geviss edlichi funn eich ivvahrich halda fa en goodi uahsach; ich zayl eiyah feinda macha eich bidda an di zeit funn angsht un noht.

Maleachi 4:2

Avvah fa eich es mei nohma firchtet, zayld di sunn funn gerechtichkeit uf kumma mitt hayles in iahra flikkel. Un diah zaylet naus gay un rumm tshumba vi kelvah es yusht aus em shtall glost sinn vadda.

Di Apostelgeschichte 9:31

No henn di gmayna in Judayya, Galilaya un Samaria, fridda katt, un sinn ufgebaut vadda. Si sinn gloffa im furcht fumm Hah, un voahra gedrohsht im Heilicha Geisht, un di gmay is gvaxa.