Shpricha 14:14 - Pennsylvania Dutch Bible

¹⁴ Di gottlohsa vadda zrikk betzawld fa iahra vayya, avvah en goodah mann zayld zufridda sei mitt seini.

Shpricha 14:14 ပူးပေါင်းရင်းမြစ်များ

Psalm 109:17

Eah hott geglicha en fluch ausshprecha; loss en fluch uf een kumma. Eah hott nett geglicha en sayya gevva; loss di sayya veit vekk sei funn eem.

Shpricha 12:14

Feel goodes kumd zumm mann deich di frucht funn seim maul, un deich di eahvet funn sei hend grikt eah vass eah fadeend hott.

Shpricha 12:21

Nix shlechtes kumd ivvah di gerechta, avvah di gottlohsa henn nix es druvvel.

Shpricha 14:10

Es hatz laynich vayst sei aykni dreebsawl, un nimmand shunsht kann en dayl havva fumm hatz sei frayt.

Shpricha 14:15

En mann es nett zu shmeaht is glawbt ennich ebbes, avvah en begawbdah mann denkt an vass eah am du is.

Shpricha 18:20

Di frucht funn en mann sei maul macht een satt, un vass sei leftz sawwa macha een zufridda.

Shpricha 9:12

Vann du veisheit hosht, dann is es zu dei ayya goot, avvah vann du shpotsht, dann musht du's selvaht drawwa.”

Jeremia 17:5

Dess is vass da Hah sawkt: “Faflucht is sellah es sich uf mensha falost, un zu flaysh gukt fa sei grefta, sellah es sei hatz vekk drayt fumm Hah.

Jeremia 2:19

Dei ungettlichkeit is di shuld es du kshlauwa vasht, bei mich falossa vasht du kshtrohft. Denk droh un fameik dess, vi evil un biddah es es is fa dich vann du da Hah dei Gott falosht, un hosht kenn furcht funn miah.” So sawkt da Hah, da Awlmechtich Hah.

Jeremia 8:5

So favass drayya dee leit vekk unni viddah zrikk drayya? Favass dutt Jerusalem immah vekk drayya? Si henka oh zu di falshheit, un doon's nett fa zrikk kumma.

Ezekiel 22:31

So zayl ich mei zann ausleahra uf si un si zayla fagay deich mei gleedichah zann. So bring ich alles es si gedu henn runnah uf iahra aykni kebb, sawkt da Awlmechtich Hah.”

Hosea 4:16

Israel is dikk-kebbich, un shteibahrich vi en rind. So kann da Hah si nau vayda vi en lamm in en grohs feld?

Zephania 1:6

selli es vekk gedrayt sinn fumm Hah, un doon een nett frohwa adda sucha.

Johannes 4:14

avvah veah's vassah drinkt es ich eem gebb, vatt nee nimmi dashtich; es vassah vass ich eem gebb vatt en shpring in eem es ivvah-lawft zu ayvich layva.”

2. Korinther 1:12

Nau dess is unsah frayt: unsah innahlich zeiknis sawkt uns es miah henn uns uf kfiaht in di veld mitt heilichkeit un gettlichah eahnsht, nett mitt menshlichi veisheit avvah in di gnawt funn Gott; un unsah lawf voah even may so geyyich eich.

Galater 6:4

Avvah loss alli-ebbah sei aykni eahvet unnah-sucha. No kann eah sich froiya in sei aykni eahvet un nett in ebbah shunsht sei eahvet.

Galater 6:8

Deah vo sayt noch seim flaysh, eah zayld sell eahnda vass noch em flaysh fadaubt, avvah deah vo sayt noch em Geisht, eah zayld fumm Geisht ayvich layva eahnda.

Hebräer 3:12

Gevvet acht, breedah, es kens funn eich en evil un en unglawvich hatz hott es eich vekk drayt fumm levendicha Gott.