Shpricha 13:16 - Pennsylvania Dutch Bible

¹⁶ En fashtendlichah mann dutt alles mitt eisicht, avvah da unksheit mann veist vi dumm es eah is.

Shpricha 13:16 ပူးပေါင်းရင်းမြစ်များ

Psalm 112:5

Es gayt goot mitt em mann es nett geitzich is un laynd geahn, sellah es sei sacha ausricht unni ebbahm letz du.

Shpricha 14:33

Di veisheit is im hatz funn selli mitt eisicht, un even zu di unksheida macht see sich bekand.

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Shpricha 18:2

En unksheidah mensh hott kenn blesiah fa ebbes fashtay, avvah yusht fa anri sawwa vass eah denkt.

Shpricha 21:24

“Shpoddah” is da nohma fumm shtolsa un grohs-feelicha mann; eah lawft in frechi shtolsheit.

Breddichah 10:13

Am ohfang sinn sei vadda yusht dummi kshvetzah, avvah am end sinn si ungettlichah roht.

Breddichah 10:3

Even vann eah am vayk nohch lawft, dann fashtayt da unksheit nett feel, un eah veist alli-ebbah vi dumm es eah is.

Jesoiya 52:13

Gukk moll, mei gnecht zayld alles ausfiahra mitt veisheit, eah vatt hohch ufkohva un hohch gacht.

Matthäus 10:16

Denket an dess, ich shikk eich naus vi shohf unnich di velf. So sellet diah veisheit havva vi di shlanga, un doch unni falshheit vi di dauva.

Römer 16:19

Alli-ebbah hott keaht vi diah Gott nohch folyet. Fasell, froi ich mich ivvah eich, avvah ich vill havva es diah veisheit hend veyyich goodi sacha, un eich unshuldich haldet veyyich evili sacha.

1. Korinther 14:20

Leevi breedah, seind nett kinnah in eiyah fashtendnis. Seind kinnah im baysa, avvah in eiyah fashtendnis seind ufgvaxa.

Epheser 5:17

Fasell seind nett unksheit, avvah fashtaynd vass em Hah sei villa is.

1. Samuel 25:17

Nau denk dess ivvah un gukk moll vass du du kansht, fa's zayld grohsa druvvel uf unsah meishtah un sei gansi haus-halding kumma. Eah is so en dikk-kebbichah mann es nimmand eem ebbes sawwa kann.”

1. Samuel 25:25

Loss mei meishtah nett acht nemma funn demm gottlohsa mann, da Nabal. Sei nohma maynd naddish, un sell is grawt vass eah is. Ich, dei mawt, habb di yunga mennah nett ksenna es du kshikt hosht.