Shpricha 13:12 - Pennsylvania Dutch Bible

¹² Hofning es voahra muss, gebt em hatz angsht, avvah en falanga es folfild is, is vi en bohm funn layva.

Shpricha 13:12 ပူးပေါင်းရင်းမြစ်များ

1. Mosi 46:30

No hott da Israel ksawt zumm Joseph, “Ich kann nau geahn shtauva, siddah es ich dei ksicht ksenna habb un sayn es du noch laybsht.”

Nehemia 2:2

so hott da kaynich mich kfrohkt, “Favass is dei ksicht bedreebt vann du nett grank bisht? Dess kann nix annahshtah sei es en shveah hatz.” No habb ich mich veesht kfeicht.

Psalm 143:7

Gebb miah kshvind andvat, oh Hah, mei geisht hott kenn hofning. Fashtekkel dei ksicht nett funn miah, adda ich va vi selli es nunnah in's grawb gayn.

Psalm 17:15

Avvah fa mich, ich in mei gerechtichkeit zayl dei ksicht sayna, un zayl zufridda sei fa dei gleichnis sayna vann ich uf vekk.

Psalm 69:3

Ich binn ausgvoahra funn roofa fa hilf, mei hals is oahrich drukka. Mei awwa sinn am dunkel vadda, am voahra uf mei Gott.

Shpricha 11:30

Di frucht funn di gerechta is en bohm funn layva, un veah mensha sayla sammeld, hott veisheit.

Shpricha 13:11

Reichheit es letz grikt voah, vatt vennichah un vennichah, avvah ebbah es geddaht bei shaffa macht's vaxa.

Shpricha 13:13

Veah's vatt fa'acht, bringd sich selvaht zu nix, avvah veah's gebott fircht, grikt en fadeensht.

Shpricha 13:19

Vann en falanga folfild vatt, is es blesiahlich zumm hatz, avvah unksheidi leit gleicha sinda nett falossa.

Shpricha 3:18

Di veisheit is en layves-bohm zu selli es see ohnemma, un ksaykend sinn selli es zu iahra henka.

Hohches Leet 5:8

Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.

Johannes 16:22

So nau hend diah angsht, avvah ich zayl eich viddah sayna un eiyah hatza zayla froh vadda, un nimmand nemd dee frayt funn eich.

Di Offenbarung 2:7

Deah vo en oah hott, loss een heahra vass da Geisht sawkt zu di gmayna. Deah vo aushaybt un alles ivvah-kumd, zu eem gebb ich zu essa fumm bohm funn layva es in di mitt fumm Paradees funn Gott shtayt.’

Di Offenbarung 22:2

un is deich di mitt funn di shtrohs funn di shtatt gloffa. Uf yaydah seit fumm revvah hott da bohm funn layva kshtanna. Eah gebt zvelf sadda frucht, un gebt's alli moonet. Un di bleddah fumm bohm voahra fa di leit funn alli lendah hayla.