Shpricha 13:11 - Pennsylvania Dutch Bible

¹¹ Reichheit es letz grikt voah, vatt vennichah un vennichah, avvah ebbah es geddaht bei shaffa macht's vaxa.

Shpricha 13:11 ပူးပေါင်းရင်းမြစ်များ

Hiob 20:15

Eah shpautzt sei reichheit raus es eah kshlukt hott, Gott macht een si ruff bringa aus seim mawwa.

Psalm 128:2

Du esht di frucht es dei hend kshaft henn difoah; du zaylsht froh sei un's zayld goot gay mitt diah.

Shpricha 10:2

Shtoft es uneahlich grikt voah dutt diah kenn goot, avvah gerechtichkeit hald dich aus di kfoah fumm doht.

Shpricha 13:10

Unnich di shtolsa is immah shtreit, avvah veisheit is kfunna bei selli es roht nemma.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Shpricha 20:21

En eahbshaft es kshvind grikt voah am ohfang, zayld nett ksaykend sei am end.

Shpricha 21:6

Reich vadda bei leeya sawwa zayld nett lang laesta, un is en fall es zumm doht fiaht.

Shpricha 28:20

En shtandhaftichah mann zayld feel sayya havva, avvah aynah es kshvind reich vadda vill, zayld nett unkshtrohft gay.

Shpricha 28:22

En geitzichah mann is eahnshtlich fa reich vadda, un vayst nett es eah glei oahm sei zayld.

Shpricha 28:8

Vann ebbah reich vatt bei zu feel indressa tsheahtsha, sellah geddaht's fa ebbah shunsht es bamhatzich is zu di oahma.

Breddichah 5:14

un deich en shlechtah handel hott eah's alles faloahra, so es vann eah en boo hott, is nix ivvahrich fa een.

Jeremia 17:11

En mann es uneahlich reich vatt, is vi en fokkel es oiyah raus breet unni si layya. In di mitt funn sei layva, falost sei geld een un am end is eah yusht vi en unksheidah.