Shpricha 13:1 - Pennsylvania Dutch Bible

¹ En boo mitt veisheit heicht ab vass sei faddah eem sawkt, avvah en shpoddah nemd di shtrohf nett oh.

Shpricha 13:1 ပူးပေါင်းရင်းမြစ်များ

1. Kaynicha 22:43

Eah is gloffa in awl di vayya funn seim daett da Asa un is nett vekk gedrayt funna. Eah hott gedu vass recht voah im Hah sei awwa. Avvah eah hott di hohcha-bletz nett nunnah grissa, un di leit henn ohkalda opfahra un insens brenna datt.

Shpricha 10:1

Dess sinn em Solomon sei shpricha: En boo mitt veisheit macht sei daett froh, avvah en unksheidah boo macht sei maemm bedreebt.

Shpricha 12:15

Da unksheit mensh maynd sei ayknah vayk is recht, avvah ebbah mitt veisheit nemd roht.

Shpricha 14:6

En shpoddah sucht fa veisheit un find see nett, avvah eisicht kumd kshvind zu di ksheida.

Shpricha 15:12

Da shpoddah gleicht nett kshtrohft sei; eah gayt nett zu selli es veisheit henn.

Shpricha 15:20

En boo mitt veisheit macht sei daett froh, avvah en dummah mann gebt nix um sei maemm.

Shpricha 15:5

En dummah mann nemd seim faddah sei shtrohf nett oh, avvah veah-evvah es sich lost recht ksetzt sei is shmeaht.

Shpricha 7:24

Nau dann, mei kinnah, heichet mich ab, nemmet acht funn vass ich sawk.

1. Samuel 2:25

Vann en mann sindicht geyyich en anrah dann dutt Gott een richta, avvah vann en mann sindicht geyyich da Hah, veah kann da Hah ohbayda fa een?” Avvah si henn nett abkeicht zu iahra daett sei shtimm, veil da Hah si doht macha hott vella.