Shpricha 12:3 - Pennsylvania Dutch Bible

³ En mensh is nett shtandhaftich gmacht deich ungerechtichkeit, avvah di vatzla funn di gerechta kenna nett raus gezowwa sei.

Shpricha 12:3 ပူးပေါင်းရင်းမြစ်များ

Hiob 15:29

Eah zayld nimmi reich sei; vass eah aykend gayt faloahra, sei frucht beekt sich nimmi nunnah uf's land.

Psalm 15:5

Eah laynd sei geld naus unni indressa, un nemd kenn geld hinna rumm fa shvetza geyyich di unshuldicha. Veah-evvah es dee sacha dutt zayld nee nett vekk falla.

Shpricha 10:25

Vann da shtoahm moll fabei is, dann sinn di gottlohsa nimmi datt, avvah di gerechta shtayna shtandhaftich fa'immah.

Shpricha 11:5

Di gerechtichkeit funn di unshuldicha macht iahra vayk grawt, avvah di gottlohsa falla bei iahra aykni ungettlichkeit.

Shpricha 12:12

Di gottlohsa sucha yusht fa shawda du, avvah di vatzel funn di gerechta bringd frucht.

Breddichah 8:8

Kenn mensh hott di graft fa da geisht zrikk hayva, un nimmand hott graft ivvah da dawk funn seim doht. Nimmand vatt lohs glost an di zeit funn greek, grawt so, ungettlichkeit drayt selli nett frei es es ausdrawwa.

Epheser 3:17

un so es Christus in eiyah hatza voond deich eiyah glawva. Ich bayt es diah deich di leevi gvatzeld un gegrund vaddet,

Kolosser 2:7

un seind gvatzeld un ufgebaut in eem, un fesht im glawva so vi diah gland voahret. Un in demm seind oahrich dankboah.

1. Samuel 25:33

Un du solsht ksaykend sei fa dei goodah fashtand, un fa mich halda funn bloot fageesa deah dawk, un fa mich halda funn evil zrikk betzawla mitt mei aykni hend.