Shpricha 12:23 - Pennsylvania Dutch Bible

²³ En shmeahdah mann hald zu sich selvaht vass eah vayst, avvah en dummah mann veist vi dumm es eah is.

Shpricha 12:23 ပူးပေါင်းရင်းမြစ်များ

Nehemia 2:12

No binn ich ufkshtanna nachts un habb edlichi mennah mitt miah gnumma. Ich habb nimmand ksawt vass Gott am in mei gedanka du voah veyyich Jerusalem. 'S voahra kenn diahra bei miah unni yusht sell es ich am reida voah.

Nehemia 2:16

Di evvahshti henn nett gvist vo ich anna ganga voah adda vass ich gedu habb. Un ich habb aw noch nix ksawt katt zu di Yudda, di preeshtah, di foah-gengah adda di evvahshti un anri es di eahvet du henn sella.

Shpricha 10:14

Ebbah mitt veisheit haybt zrikk vass eah vayst, avvah's maul fumm unksheida frohkt fa druvvel.

Shpricha 10:19

Vo feel vadda sinn, datt is di sind aebt fa sei, avvah veah sei leftz zu haybt, hott veisheit.

Shpricha 11:13

Ebbah es kshvetzah drawkt hald sacha nett ruich, avvah ebbah es gedraut sei kann hald sei maul ruich.

Shpricha 13:16

En fashtendlichah mann dutt alles mitt eisicht, avvah da unksheit mann veist vi dumm es eah is.

Shpricha 14:33

Di veisheit is im hatz funn selli mitt eisicht, un even zu di unksheida macht see sich bekand.

Shpricha 15:2

En zung mitt veisheit macht di lanning leeblich, avvah's maul fumm unksheida shvetzt yusht dumhayda.

Shpricha 18:2

En unksheidah mensh hott kenn blesiah fa ebbes fashtay, avvah yusht fa anri sawwa vass eah denkt.

Shpricha 29:11

En unksheidah mann lost sei zann raus, avvah en mann mitt veisheit haybt seinah zrikk.

Breddichah 10:3

Even vann eah am vayk nohch lawft, dann fashtayt da unksheit nett feel, un eah veist alli-ebbah vi dumm es eah is.

1. Samuel 10:16

Da Saul hott ksawt, “Eah hott uns ksawt es di aysla kfunna sinn vadda.” Avvah eah hott seim uncle nett ksawt vass da Samuel ksawt hott veyyich em kaynich-reich.