Shpricha 11:6 - Pennsylvania Dutch Bible

⁶ Di gerechtichkeit funn di ufrichticha hald si aus di kfoah, avvah di uneahlicha vadda kfanga bei iahra ayknah lusht.

Shpricha 11:6 ပူးပေါင်းရင်းမြစ်များ

1. Mosi 30:33

Du kansht no shpaydah sayna eb ich eahlich voah mitt mei lohn vann du naus kumsht. Ennichah gays es nett blakkich is un ennich lamm es nett shvatz is, vann's bei mei fee is, dann kansht du's fanemma es ich's kshtohla habb.”

1. Mosi 31:37

Du bisht gans deich mei shtoft ganga un vass hosht du kfunna es dei is? Setz es do fannich unsah freindshaft, so es si richta kenna zvishich di zvay funn uns.

1. Kaynicha 2:44

Da kaynich hott aw ksawt zumm Simei, “Du vaysht in deim hatz awl's letzes es du gedu hosht zu meim faddah da Dawfit. Nau zayld da Hah dich zrikk betzawla fa awl di letza sacha es du gedu hosht.

Psalm 9:15

Di heida henn en loch gegrawva un sinn nei kfalla, iahra fees sinn kfanga in di net es si kshteld henn.

Shpricha 11:9

Da gottlohs mensh kann sei nochbah zu nix bringa mitt seim maul, avvah deich eisicht doon di gerechta sich aus di kfoah halda.

Shpricha 5:22

Di sinda funn en gottlohsah mann fanga een, un eah vatt kohva mitt di shtrikk funn sei sinda.

Breddichah 10:8

Veah-evvah es en loch grawbt mecht nei falla; veah-evvah es deich en vand brecht mecht gebissa vadda bei en shlang.

Richtah 20:41

No sinn di Israeliddah rumm gedrayt un henn ohkfanga fechta. Di mennah funn Benjamin voahra fagelshtaht, veil si nau gvist henn es ebbes shrekliches uf si kumma zayld.