Shpricha 11:24 - Pennsylvania Dutch Bible

²⁴ Ay-ebbah gebt geahn, un grikt yusht noch may; en anrah haybt zrikk vass eah gevva sett, un vatt yusht noch oahmah.

Shpricha 11:24 ပူးပေါင်းရင်းမြစ်များ

2. Chronik 31:10

un da Asaria, da evvahsht preeshtah, im Zadok sei kshlecht, hott ksawt, “Siddah es di leit ohkfanga henn iahra sach an da tempel fumm Hah bringa, henn miah genunk katt zu essa, un henn noch feel ivvahrich, veil da Hah sei leit ksaykend hott. Sell is favass so feel sach ivvahrich is.”

Psalm 112:9

Eah fadayld sei sach aus un gebt geahn zu di oahma, sei gerechtichkeit bleibt fa'immah; eah zayld graft havva un in hohchi eah shtay.

Shpricha 11:18

En gottlohsah mensh fadeend lohn es nix veaht is, avvah veah gerechtichkeit sayt, grikt en goodah lohn.

Shpricha 11:23

Vass gerechti leit vinsha shaft goot aus, avvah di hofning funn di gottlohsa end in zann.

Shpricha 11:25

Veah reichlich gebt, zayld goot ab sei, un veah anri reichlich gebt zu drinka, zayld selvaht nett fadashta.

Shpricha 13:7

Ay mann lost oh eah is reich, un hott nix, avvah en anrah lost oh eah is oahm, un is oahrich reich.

Shpricha 19:17

Sellah es bamhatzich is zu di oahma, is am layna zumm Hah, un eah zayld een zrikk betzawla fa vass eah gedu hott.

Shpricha 28:27

Ebbah es gebt zu di oahma zayld kenn noht havva, avvah veah sei awwa zu macht zu eena vatt feel faflucht.

Shpricha 28:8

Vann ebbah reich vatt bei zu feel indressa tsheahtsha, sellah geddaht's fa ebbah shunsht es bamhatzich is zu di oahma.

Breddichah 11:6

Say dei sohma free meiyets, un loss dei hend nett roowa ohvets, fa du kansht nett sawwa eb da meiya adda da ohvet sohma vaxa zayld, adda eb si awl zvay doon.

Haggai 1:6

Diah hend feel geblanst, avvah hend yusht bissel geahnd. Diah esset, avvah hend nee nett genunk. Diah drinket, avvah sind nett foll. Diah doond glaydah oh, avvah sind nett voahm. Diah fadeenet geld, avvah doond's in sekk mitt lechah drinn.

Maleachi 3:8

Is es recht es en mensh Gott rawbt, vi diah mich rawvet? Avvah diah frohwet, ‘Vi doon miah dich rawva?’ Mitt eiyah zeyyadel un opfahra es diah gevva sellet.

Lukas 6:38

gevvet, un's vatt viddah gevva zu eich. Es vatt gmessa bei's nunnah drikka un's zammah shidla, un's vatt ivvah-lawfa in eiyah shohsa. Fa so vi diah ausmesset vann diah gevvet, so vatt's gmessa vann diah's viddah zrikk greeyet.”

5. Mosi 15:10

Gevvet frei-villich zu eem un losset eiyah hatz nett geitzich sei vann diah gevvet. Deich dess ding zayld da Hah eiyah Gott eich saykna in awl eiyah eahvet, un in alles es diah unnah-nemmet.