Shpricha 10:6 - Pennsylvania Dutch Bible

⁶ Sayya sinn uf em kobb funn di gerechta, avvah unfashtand dekt's maul funn di gottlohsa zu.

Shpricha 10:6 ပူးပေါင်းရင်းမြစ်များ

Esther 7:8

Da kaynich is no zrikk rei kumma fumm kaynich-haus goahra an da dish es si am vei drinka voahra, grawt an di zeit es da Haman sich uf di couch kshmissa hott vo di Esther gleyya hott. Da kaynich hott ksawt, “Zayld eah di kaynich-fraw ivvah-kumma grawt do fannich miah in mei haus?” Vi dee vadda fumm kaynich sei maul ganga sinn, henn si em Haman sei ksicht zu gedekt.

Hiob 29:13

Da mann es am shtauva voah hott mich ksaykend, un ich habb di vitt-fraw iahra hatz froh gmacht.

Psalm 107:42

Di ufrichticha sayna dess un sinn froh, avvah's macht awl di ungerechta iahra maul zu.

Shpricha 10:11

Es maul funn di gerechta is vi en vassah-shpring funn layva, avvah unfashtand dekt's maul funn di gottlohsa zu.

Shpricha 10:5

Veah's frucht sammeld im summah is en boo mitt veisheit, avvah veah shlohft deich di eahn is en shandlichah boo.

Shpricha 11:26

Ebbah es frucht zrikk haybt vatt faflucht bei di leit, avvah sayya kumma uf sellah es es fakawft.

Shpricha 24:25

avvah mitt richtah es di shuldicha shtrohfa gayt's goot, un reichi sayya kumma uf si.

Shpricha 28:20

En shtandhaftichah mann zayld feel sayya havva, avvah aynah es kshvind reich vadda vill, zayld nett unkshtrohft gay.

Shpricha 3:33

Em Hah sei fluch is uf di gottlohsa iahra haus, avvah sei sayya is uf di haymet funn di gerechta.

Jesoiya 3:10

Sawk zu di gerechta es es zayld goot gay mitt eena; si zayla di frucht funn iahra eahvet essa.

Obadia 1:10

Veil du so veesht voahsht zu deim broodah Jakob, zaylsht du zu gedekt sei mitt shohm, un ayvichlich abkshnidda sei.

Römer 3:19

Nau miah vissa es vass-evvah es es Ksetz sawkt, dess sawk's zu selli vo unnich em Ksetz sinn. Dess is so es alli maul shtill gmacht vatt, un di gans veld shuldich vatt fannich Gott.

5. Mosi 28:2

Awl dee sayya zayla uf eich kumma un mitt eich gay vann diah em Hah eiyah Gott heichet: