Shpricha 10:28 - Pennsylvania Dutch Bible

²⁸ Di hofning funn di gerechta is frayt, avvah di hofning funn di gottlohsa kumd zu nix.

Shpricha 10:28 ပူးပေါင်းရင်းမြစ်များ

Hiob 11:20

Avvah di awwa funn di gottlohsa gukka unni's fashtay, si kenna nett lohs glost sei; iahra letshti hofning is yusht fa iahra letshtah ohften shnaufa.”

Hiob 8:13

So gayt's mitt alli-ebbah es Gott fagest, un di hofning funn di ungettlicha vatt faloahra.

Psalm 112:10

Da gottlohs mann saynd dess un vatt bays, eah beist sei zay zammah un fagayt; da falanga funn di gottlohsa kumd zu nix.

Psalm 16:9

Fasell froit mei hatz sich, un mei sayl is froh, even mei leib haldsht du aus di kfoah.

Psalm 68:4

Singet zu Gott, singet lohb zu sei nohma; singet en leet zu demm es uf di volka foaht. Sei nohma is Hah; froiyet eich fannich eem.

Shpricha 11:23

Vass gerechti leit vinsha shaft goot aus, avvah di hofning funn di gottlohsa end in zann.

Shpricha 11:7

Vann da gottlohs mensh shtaubt, dann is sei hofning faloahra, di graft es eah sich falossa hott druff kumd zu nix.

Shpricha 14:32

Da gottlohs bringd sei ayknah nunnah-fall bei's evil es eah dutt, avvah even im doht sinn di gerechta gedrohsht.

Shpricha 29:6

En evilah mann is kfanga bei sei aykni sind, avvah en gerechtah mann kann singa un sich froiya.

Römer 12:12

Froiyet eich in hofning, seind geduldich in dreebsawl, haldet oh im gebayt.

Römer 15:13

Ich bitt es da Gott funn hofning eich fild mitt frayt un fridda im glawva, so es diah vaxet in di hofning deich di graft fumm Heilicha Geisht.

Römer 5:2

Deich een is di deah uf gmacht vadda im glawva zu di gnawt es miah drinn shtayn. Un miah froiya uns in di hofning funn di hallichkeit funn Gott.

2. Thessalonicher 2:16

Avvah unsah Hah Jesus Christus selvaht, un unsah Gott un Faddah, deah vo uns gleebt hott un uns en ayvichah drohsht un en goodi hofning gevva hott deich di gnawt,