Shpricha 10:25 - Pennsylvania Dutch Bible

²⁵ Vann da shtoahm moll fabei is, dann sinn di gottlohsa nimmi datt, avvah di gerechta shtayna shtandhaftich fa'immah.

Shpricha 10:25 ပူးပေါင်းရင်းမြစ်များ

Hiob 17:9

Avvah di gerechta halda oh iahra vayk gay, un selli mitt reini hend vadda shteikah.

Hiob 20:8

Vi en drohm fleekt eah vekk, un kann nimmi kfunna sei; vi en vision in di nacht, vatt eah fatt gyawkt.

Hiob 21:18

un si vekk geblohsa vi shtroh im vind, adda vi shprau es fatt gedrawwa vatt im shtoahm?

Psalm 125:1

Selli es in da Hah drauwa, sinn vi da Berg Zion es nett gmooft sei kann, un shtayt ayvichlich.

Psalm 15:5

Eah laynd sei geld naus unni indressa, un nemd kenn geld hinna rumm fa shvetza geyyich di unshuldicha. Veah-evvah es dee sacha dutt zayld nee nett vekk falla.

Psalm 58:10

Di gerechta zayla froh sei vann si sindah sayna kshtrohft vadda, si zayla iahra fees vesha im bloot funn di gottlohsa.

Psalm 58:9

Eb eiyah kesla di hitz fumm danna-feiyah feela, eb di danna gree adda drukka sinn, dann keaht eah di ungettlicha vekk.

Shpricha 1:27

Vann angsht ivvah eich kumd vi en shtoahm, vann druvvel ivvah eich kumd vi en vind-veahvel, un vann dreebsawl un druvvel ivvah eich kumd,

Shpricha 10:30

Di gerechta vadda nee nett naus kshtohsa, avvah di gottlohsa zayla nett im land bleiva.

Shpricha 12:3

En mensh is nett shtandhaftich gmacht deich ungerechtichkeit, avvah di vatzla funn di gerechta kenna nett raus gezowwa sei.

Shpricha 12:7

Di gottlohsa vadda kshtatzt un zayla nimmi sei, avvah's haus funn di gerechta shtayt shtandhaftich.

Jesoiya 40:24

So kshvind es si geblanst sinn, so kshvind es si ksayt sinn, so kshvind es si eivatzla in di eaht, dann blohst eah uf si un si fadadda, un en vind-veahvel drawkt si vekk vi shprau.

Matthäus 16:18

Ich sawk diah, du bisht da Petrus, un uf demm felsa bau ich mei gmay, un di doahra funn di hell kenna di gmay nett ivvah-kumma.

Epheser 2:20

Diah sind uf di mavvah funn di aposhtla un di brofayda gebaut, un Jesus Christus is selvaht da ekk-shtay.

1. Timotheus 6:19

Sellah vayk layya si uf fa sich selvaht en goodah grund fa shpaydah naus, so es si hohld nemma kenna fumm layva vass voahlich layva is.

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”