Shpricha 1:5 - Pennsylvania Dutch Bible

⁵ Veah veisheit hott, zayld heicha un may lanna, un veah fashtayt zayld roht greeya in veisheit,

Shpricha 1:5 ပူးပေါင်းရင်းမြစ်များ

2. Chronik 25:16

Vo eah noch am shvetza voah, hott da kaynich ksawt zu eem, “Henn miah dich kfrohkt fa roht gevva zumm kaynich? Shtobb! Favass setsht du doht gmacht sei?” No hott da brofayt kshtobt, avvah eah hott ksawt, “Ich vays es Gott's im sinn hott fa dich folshtendlich fadauva veil du dess gedu hosht, un veil du mei roht nett abkeicht hosht.”

Hiob 34:10

So heichet mich ab, diah mennah es alles fashtaynd, Gott dayt selayva nett droh denka fa evil du, adda da Awlmechtich fa letz du.

Hiob 34:16

Vann du fashtand hosht, dann heah dess, heich ab vass ich zu sawwa habb.

Hiob 34:2

“Heichet mei vadda ab, diah mennah mitt veisheit, heichet mich ab, diah mennah es alles visset.

Hiob 34:34

Fashtendichi leit sawwa zu miah, un en mann mitt veisheit es mich heaht, sawkt,

Shpricha 12:1

Ennich ebbah es eisicht leeb hott, gleicht recht ksetzt sei, avvah ennich ebbah es nett gleicht recht ksetzt sei is dumm.

Shpricha 14:6

En shpoddah sucht fa veisheit un find see nett, avvah eisicht kumd kshvind zu di ksheida.

Shpricha 18:15

Di shmeaht meind grikt noch may lanning, un's oah mitt veisheit sucht eisicht.

Shpricha 19:25

Gebb en shpoddah shlayk, no vadda selli shmeaht es nett kshvind fashtayn; setz en mann recht mitt goodah fashtand, un eah grikt eisicht.

Shpricha 21:11

Vann en shpoddah kshtrohft vatt, dann lanna even di dumma veisheit; vann ebbah mitt veisheit gland vatt, dann grikt eah eisicht.

Shpricha 8:33

Heichet dee famohning un greeyet veisheit, doond's nett fa'achta.

Shpricha 9:8

Du nett en shpoddah recht setza adda eah hast dich, avvah setz en mann mitt veisheit recht, un eah leebt dich.

Shpricha 9:9

Lann en mann mitt veisheit, un eah zayld may veisheit havva, lann en gerechtah mann, un eah macht sich may lanning.

Breddichah 9:11

Ich habb aw dess ksenna unnich di sunn: Selli es shteik shpringa doon nett immah beeda, un di shteika henn nett immah ivvah-hand im greek. Selli mitt veisheit henn nett immah ess-sach; di shmeahda sinn nett immah reich, un di glanda vadda nett immah bessah gyoost. Avvah di recht zeit un glikk dreft alli-ebbah.

1. Korinther 10:15

Ich shvetz zu leit mitt veisheit, denket drivvah vass ich sawk zu eich.

5. Mosi 4:6

Haldet si un doond si, fa dess veist eiyah veisheit un fashtand zu di leit vann si heahra veyyich dee gebodda, un si zayla sawwa, “Dess is geviss en hallich folk mitt veisheit un fashtand.”