Shpricha 1:33 - Pennsylvania Dutch Bible

³³ Avvah veah mich abheicht zayld aus di kfoah layva; eah zayld im roo voona un sich nett feicha funn evil.”

Shpricha 1:33 ပူးပေါင်းရင်းမြစ်များ

Hiob 36:11

Vann si een abheicha un een deena, dann layva si's ivvahrich funn iahra layva unni noht, un iahra yoahra in blesiah.

Psalm 81:13

Vann mei leit yusht heicha dayda zu miah! Vann Israel mei vayk nohch gay dayt,

Shpricha 12:21

Nix shlechtes kumd ivvah di gerechta, avvah di gottlohsa henn nix es druvvel.

Shpricha 14:26

Sellah es da Hah firchta dutt hott en shteikah glawva, un sei kinnah vadda aus di kfoah kalda.

Shpricha 9:11

Fa deich mich vadda dei dawwa feel, un di yoahra funn deim layva vadda may.

Breddichah 8:12

Un en ungettlichah mensh mecht en hunnaht mohl letz du un alsnoch en lang layva havva, avvah ich vays es es bessah gay zayld mitt en mensh es Gott fircht, sellah es Gott eaht.

Jesoiya 26:3

Du haldsht selli in folkummanah fridda, es iahra gedanka uf diah halda, veil si sich falossa uf dich.

Jesoiya 32:17

Di frucht funn gerechtichkeit zayld fridda sei, un sell vass aus gerechtichkeit kumd is shtilli roo un fadrauwes fa'immah.

Jesoiya 48:18

Vann du yusht acht gnumma hetsht funn mei gebodda, dann veah dei fridda gvest vi en revvah, un dei gerechtichkeit vi di vella fumm say.

Jesoiya 55:3

Machet eiyah oahra uf, un kummet zu miah, heichet mich ab, so es eiyah sayl laybt. Ich mach en ayvich bund mitt eich; ich gebb eich di shtandhaftich leevi es ich fashprocha habb zumm Dawfit.

3. Mosi 25:18

So haldet mei adnunga un drawwet mei gebodda aus, so es diah aus di kfoah im land voona kennet.

3. Mosi 25:19

No gebt's land sei frucht un diah kennet eich foll essa un aus di kfoah datt layva.

Matthäus 17:5

Eah voah alsnoch am shvetza vo en helli volk ivvah si kumma is, un en shtimm aus di volk hott ksawt, “Dess is mei leevah Sohn, mitt eem binn ich goot zufridda, heichet een ab.”

Lukas 21:19

Deich eiyah geduld greeya eiyah sayla layva.

Lukas 21:9

Vann diah heahret funn greek un unroo, feichet eich nett; fa dess muss seahsht blatz nemma, avvah's end is noch nett grawt do.”

1. Petrus 1:5

Diah sind kalda bei di macht funn Gott deich da glawva zu di saylichkeit vo abgedekt sei zayld an di letsht zeit.