Shpricha 1:18 - Pennsylvania Dutch Bible

¹⁸ Dee mennah leiya am voahra fa iahra ayya bloot; si setza en fall es si selvaht doht macht.

Shpricha 1:18 ပူးပေါင်းရင်းမြစ်များ

Esther 7:10

So henn si da Haman kanka uf em galya es eah grisht katt hott fa da Mordecai. No hott em kaynich sei zann sich glaykt.

Psalm 55:23

Avvah du, oh Gott, zaylsht di gottlohsa in's deefsht grawb shtohsa. Bloot-fageesah un falshi mennah zayla nett dihelft funn iahra dawwa auslayva. Ich avvah, du mei fadrauwa in dich.

Psalm 9:16

Da Hah macht sich bekand bei sei gerichtes, un di gottlohsa vadda kfanga bei di eahvet funn iahra aykni hend. (Higgaion. Sela)

Shpricha 1:11

Vann si sawwa, “Kumm mitt uns; vella uns fashtekla un voahra fa ebbah sei bloot fageesa, vella uf ebbah unshuldiches lohs gay unni uahsach;

Shpricha 1:17

Es dutt kenn goot fa en fang-net aus shpredda, diveil es di fekkel am vatsha sinn.

Shpricha 11:19

Veah shtandhaftich is in gerechtichkeit zayld layva, avvah veah evil nohch gayt kumd um.

Shpricha 11:5

Di gerechtichkeit funn di unshuldicha macht iahra vayk grawt, avvah di gottlohsa falla bei iahra aykni ungettlichkeit.

Shpricha 28:17

Ebbah es mensha-bloot shuldich is, zayld sich fashtekkeld halda biss an's grawb; loss nimmand eem helfa.

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.