Sacharia 8:12 - Pennsylvania Dutch Bible

¹² “Si zayla iahra sohma sayya in fridda, da vei-shtokk gebt sei frucht, es land macht sacha vaxa, un da himmel lost da dau falla. Ich zayl di leit vo noch ivvahrich sinn awl dee sacha gevva.

Sacharia 8:12 ပူးပေါင်းရင်းမြစ်များ

1. Mosi 26:12

Da Isaac hott no sell land ksayt un sell yoah hott eah en hunnaht moll so feel geahnd es eah ksayt katt hott. Da Hah hott een ksaykend,

1. Mosi 27:28

Loss Gott diah da dau fumm himmel gevva, un di fett eahn funn di eaht, mitt feel frucht un neiyah vei.

1. Kaynicha 17:1

Nau da Elia da Thisbiddah, funn Thisbe in Gilead, hott ksawt zumm Ahab, “So voah es da Hah, da Gott funn Israel, laybt, fannich demm es ich shtay, es zayld kenn dau adda reyyah gevva fa di nekshta yoahra biss ich so sawk.”

Psalm 72:3

Loss di berga fridda bringa zu di leit, un di hivla gerechtichkeit.

Psalm 85:12

Da Hah gebt geviss sell vass goot is, un unsah land gebt iahra frucht.

Shpricha 19:12

En kaynich sei zann is vi's roahres funn en layb, avvah sei gnawt is vi da dau uf em graws.

Jesoiya 30:23

No shikt eah reyyah fa da sohma es diah in da grund sayyet, un's ess-sach es kumd fumm land zayld feel un blendi sei. In sellem dawk zayld eiyah fee vayda in grohsi feldah.

Jesoiya 61:7

Fa iahra shohm greeya mei leit zvay mohl so feel zrikk, un in blatz funn gedaymeedicht vadda, zayla si sich froiya fa iahra dayl; veil si zvay mohl so feel land greeya, zayla si sich ayvichlich froiya difoah.

Jeremia 31:12

Si zayla kumma un greisha mitt frayt drovva in di hay uf Zion; si froiya sich fa alles es fumm Hah kumd— frucht, neiyah vei un ayl, yungi shohf un rinnah. Iahra layva zayld sei vi en gvessahdah goahra, un si vadda nimmi bedreebt.

Ezekiel 34:28

Si zayla nimmi lengah grawbt vadda bei di heida, un vildi diahra zayla si nimmi fressa. Si layva aus di kfoah, un nimmand macht si sich feicha.

Ezekiel 36:12

Ich mach leit viddah uf eich berga lawfa; naymlich, mei leit Israel. Si zayla eich aykna un diah sind iahra eahbshaft. Diah zaylet iahra kinnah nee nimmi vekk nemma funn eena.

Ezekiel 36:30

Ich mach's obsht sich fameahra uf di baym un aw's frucht im feld. Dess is so es di heida eich nimmi fashpodda veil diah hungahs-noht hend.

Ezekiel 36:9

Ich binn bekimmaht veyyich eich, un ich dray mich zu eich; diah berga zaylet geblookt un ksayt vadda.

Hosea 13:3

So, zayla si sei vi da meiyet nevvel, vi da dau free meiyets es fagayt, vi shprau es vekk geblohsa vatt fumm dresha-floah, un vi shmohk am aus em shanshtah kumd.

Hosea 14:5

Ich vill sei zu Israel vi da dau; eah zayld bleeya vi en lilya-blumm. Sei vatzla zayla ausshlauwa vi di cedar-baym in Lebanon.

Joel 2:19

Da Hah hott andvat gevva zu sei leit, un ksawt, “Ich zayl eich frucht, vei un ayl shikka, so es diah gans satt sind; ich zayl eich nee nimmi fashpott sei lossa bei di heida.

Joel 2:22

Feichet eich nett, diah vildi diahra, di vayt feldah in di vildahnis sinn am gree vadda. Di baym sinn am frucht greeya, di feiya-baym un di drauva-shtekk sinn foll.

3. Mosi 26:3

Lawfet in mei adnunga un gebodda, un doond si.

Zephania 3:13

Di ivvahricha in Israel zayla nett letz du; si sawwa kenn leeya, un kenn fafiahrichi vadda sinn in iahra meilah. Si zayla essa un sich anna layya, un nimmand macht si sich feicha.”

Haggai 1:10

“So deich eich, henn di himla iahra dau zrikk kohva, un di eaht haybt sell zrikk vass vaxt.

Haggai 2:18

‘Heit is da fiah un zvansisht dawk fumm neinda moonet, un da dawk es di mavvah fumm tempel faddich gmacht voah. Nau gevvet acht un vatshet vass es gevva zayld.

Haggai 2:19

Is ennichah sohma ivvahrich in di sheiyah? Biss nau henn di drauva-ranka, da feiya-bohm, da grannat-abbel-bohm, un da ayl-bohm kenn frucht gevva. Avvah funn demm dawk on zayl ich eich saykna.’”

Sacharia 8:6

Dess is vass da Awlmechtich Hah sawkt: “Vann dess ummeeklich seemd zu di leit es ivvahrich sinn an dee zeit, es zayld nett ummeeklich sei in mei awwa,” sawkt da Awlmechtich Hah.

Maleachi 3:11

Ich hald's ungetziffah es es eiyah crops nett frest, un mach di vei-shtekk es si nett unfruchtboah sinn,” sawkt da Awlmechtich Hah.

Matthäus 6:33

Bekimmahret eich seahsht veyyich em Reich-Gottes un sei gerechtichkeit. No zayla diah aw awl dee anri sacha havva.

1. Korinther 3:21

Fasell, loss nimmand mensha uf hayva. Fa alles is eiyah—

5. Mosi 32:2

Loss vass ich eich lann, runnah falla vi reyyah un mei vadda vi da dau, vi di drobba uf nei graws, un vi goodah reyya uf neiyi shprauts.

5. Mosi 33:13

Veyyich em Joseph hott eah ksawt, “Ksaykend beim Hah is sei land mitt keshtlich sach fumm himmel, mitt dau funn ovva-heah, un fumm deef vassah unna droh;

5. Mosi 33:28

So zayld Israel laynich voona unni kfoah; em Jakob sei shpring zayld in en land sei mitt frucht un neiyah vei, vo di himla da dau runnah falla lossa.

Jakobus 3:18

Di frucht funn gerechtichkeit vatt ksayt im fridda bei selli vo fridda macha.