Sacharia 6:11 - Pennsylvania Dutch Bible

¹¹ Nemm's silvah un gold un mach en krohn un du en uf em hohchen-preeshtah sei kobb, da hohchen-preeshtah Joshua, em Jozadak sei boo.

Sacharia 6:11 ပူးပေါင်းရင်းမြစ်များ

2. Samuel 12:30

Eah hott no da krohn ab fumm kaynich sei kobb gnumma—deah krohn hott fimf un sivvatzich pund gvohwa in gold mitt en keshtlichah shtay drinn—un eah voah no uf em Dawfit sei kobb gedu. Eah hott feel shtoft aus di shtatt gnumma.

Ezra 10:18

Unnich di kinnah funn di preeshtah es fremdi veivah keiyaht katt henn voahra di kinnah fumm Jesua, em Jozadak sei boo, un sei breedah da Maaseia, da Elieser, da Jarib un da Gadaliya.

Ezra 3:2

No hott em Jozadak sei boo da Jesua, mitt di anra preeshtah, un em Sealthiel sei boo da Serubabel, mitt sei leit ohkfanga em Gott funn Israel sei awldah bauwa so es si brand-opfahra druff opfahra kenna. Dess voah so vi's ufkshrivva is im Ksetz Mosi, da mann funn Gott.

Psalm 21:3

Du hosht een ohgedroffa mitt goodi sayya, un hosht en krohn funn fei gold uf sei kobb ksetzt.

2. Mosi 29:6

Du's kobb-duch um sei kobb rumm vikla, un du da heilich krohn uf's kobb-duch.

2. Mosi 39:30

Si henn en glay dellah gmacht aus fei gold fa da heilich krohn, un henn dee vadda nei kshnidda vi ma dutt uf en seal: “HEILICH ZUMM HAH”

Hohches Leet 3:11

Gaynd naus, diah yungi mayt funn Zion un gukket an da Kaynich Solomon mitt seim krohn, da krohn es sei maemm uf een gedu hott uf em dawk funn sei hochtzich, da dawk es sei hatz fraylich voah.

3. Mosi 8:9

Eah hott no's kobb-duch uf sei kobb un fanna uf's kobb-duch hott eah's goldich dellah, da heilich krohn, gedu grawt vi da Mosi gebodda voah beim Hah.

Haggai 1:1

Im zvedda yoah fumm Kaynich Darius, im eahshta dawk fumm sexda moonet, is dess vatt fumm Hah kumma deich da brofayt Haggai zumm Serubabel, em Sealthiel sei boo, es govvenah voah funn Juda, un zumm Joshua, em Jehozadak sei boo, es da hohchen-preeshtah voah:

Haggai 1:14

So hott da Hah da geisht ufkshtatt fumm Serubabel, em Sealthiel sei boo es govvenah voah funn Juda. Da Hah hott aw da geisht ufkshtatt fumm Joshua, em Jehozadak sei boo es da hohchen-preeshtah voah un da geisht funn awl di leit es zrikk kumma sinn. Si henn ohkfanga shaffa uf em haus fumm Awlmechticha Hah, iahra Gott,

Haggai 2:4

Avvah nau sei gedrohsht, Serubabel,’ sawkt da Hah. ‘Sei gedrohsht, Joshua, em Jehozadak sei boo es hohchen-preeshtah is. Seind gedrohsht awl diah leit fumm land,’ sawkt da Hah, ‘un shaffet. Fa ich binn mitt eich,’ sawkt da Awlmechtich Hah.

Sacharia 3:1

No hott eah miah da hohchen-preeshtah Joshua gvissa. Eah voah am fannich em engel fumm Hah shtay, un da Satan hott an sei rechtsi seit kshtanna fa een pshuldicha.

Sacharia 3:5

No hott eah ksawt, “Doond en sauvah duch um sei kobb rumm vikla.” Si henn no en sauvah duch um sei kobb rumm un henn een geglayt diveil es da engel fumm Hah datt kshtanna hott.

Sacharia 6:14

Da krohn zayld im Hah sei tempel sei un zayld en ohdenkes sei zumm Heldai, Tobia, Jedaia un zumm Josia, em Zephania sei boo.

Hebräer 2:9

Avvah miah sayna Jesus, deah vo fa en glenni zeit niddahra gmacht voah es di engel. Eah is nau gekrohnd mitt hallichkeit un eah, veil eah da doht glidda hott. Dess is so es bei di gnawt funn Gott eah da doht ohnemma kann fa alli-ebbah.

Di Offenbarung 19:12

Sei awwa voahra vi flamma funn feiyah un uf seim kobb voahra feel krohna. Eah hott en nohma uf sich kshrivva katt es nimmand vayst vi yusht eah selvaht.

Di Offenbarung 6:2

Ich habb gegukt un datt voah en veisah gaul, un deah vo uf eem kokt hott, hott en bow katt; un's voah en krohn zu eem gevva un eah is naus ganga fa ivvah-nemma, un di ivvah-hand greeya.