Römer 9:20 - Pennsylvania Dutch Bible

²⁰ Avvah du, leevichah mensh, veah bisht du, es du zrikk shvetsht zu Gott? Es ding vo gmacht is sawkt nett zu demm vo's gmacht hott, “Favass hosht du mich gmacht vi dess?”

Römer 9:20 ပူးပေါင်းရင်းမြစ်များ

2. Samuel 16:10

Avvah da Dawfit hott ksawt, “Diah boova funn di Zeruia, vass habb ich zu du mitt eich? Vann eah mich faflucht veil da Hah eem ksawt hott fa so du, veah kann sawwa, ‘Favass dusht du dess?’”

Hiob 16:3

Zayla eiyah lang-vindichi vadda nee nett shtobba? Vass fayld eich es diah ohhaldet shvetza?

Hiob 33:13

Favass faglawksht du dich zu eem, un sawksht, ‘Eah gebt kenn andvat zu mei vadda’?

Hiob 36:23

Veah hott eem ksawt vass zu du, adda ksawt zu eem, ‘Du hosht letz gedu’?

Hiob 40:2

“Zayld sellah es eiyaht mitt em Awlmechticha, een recht setza? Loss sellah es Gott pshuldicht eem andvat gevva!”

Hiob 40:5

Ich habb aymol kshvetzt, avvah ich kann dich nett andvadda; zvay moll, avvah ich sawk nimmi may.”

Hiob 40:8

Zaylsht du veiklich mei gericht zu nix macha? Daytsht du mich fadamma yusht so es du gerecht bisht?

Hiob 9:32

Eah is nett en mensh vi ich binn, es ich eem andvat gevva kann. Miah kenna nett mitt-nannah in's gericht-haus gay.

Jesoiya 10:15

Macht di ax sich graysah es sellah vo hakt mitt, adda dutt di sayk sich ufbraekka zu sellah es si yoost? Dess voah es vi en shtekka da mann shlauwa dayt es een drawkt, adda es vi da shtekka da mann drawwa dayt.

Jesoiya 29:16

Diah drayyet sacha rumm; soll da heffa-machah fanumma sei es eah gleicha is vi da clay es eah yoost? Soll sell es kshaffa is sawwa zu sellah es es kshaft hott, “Du hosht mich nett gmacht”? Adda kann sell es gmacht is sawwa zu sellah es es gmacht hott, “Du vaysht nix”?

Jesoiya 64:8

Doch, oh Hah, du bisht unsah Faddah. Miah sinn da clay, un du bisht da heffa-machah; awl funn uns sinn di eahvet funn dei hand.

Jeremia 18:6

“Oh haus funn Israel, kann ich nett du mitt eich vi deah heffa-machah dutt?” frohkt da Hah. “Vi clay in di hand fumm heffa-machah, so sind diah in mei hand, diah haus funn Israel.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Micha 6:8

Es is diah ksawt, oh mensh, vass goot is, un vass da Hah foddaht funn diah. Du solsht leit recht yoosa un bamhatzich sei zu eena, un daymeedich lawfa mitt deim Gott.

Matthäus 20:15

Dauf ich nett du vass ich vill mitt em sach vass mei is? Fagunsht du miah's veil ich goot-maynich binn?’

Lukas 12:14

Avvah eah hott ksawt zu eem, “Mensh, veah hott mich en richtah adda en eahbshaft-fadaylah gmacht ivvah eich?”

Römer 14:4

Veah bisht du es du em anra mann sei gnecht richsht? Eah shtayt adda fald unnich sei ayknah meishtah. Un eah zayld shtay, fa Gott kann een shtay macha.

Römer 2:1

Fasell, oh mensh, hosht du kenn ausret vann du anri richsht. Fa vann du ebbah shunsht richsht, dann fadamsht du dich selvaht, veil du vo richsht, dee sayma sacha dusht.

Römer 2:3

Denksht du dann, oh mensh, vann du anri leit richsht es so sacha doon, un du dusht si aw, es du nett aw gricht vasht funn Gott?

Römer 9:21

Hott nett deah vo eahdich ksha macht, es recht ivvah da glumba clay vo eah yoost? Aus ay glumba clay macht eah ay satt ksha fa psuch, un en anres fa alli dawk yoosa.

Römer 9:22

So vass diveyya, vann Gott sei zann un graft veisa hott vella, hott grohsi geduld gvissa zu selli es eah zannich voah mitt, selli es di fadamnis fadeend henn?

1. Korinther 1:20

Vo is da mann es veisheit hott? Vo is da shrift-geleahrah? Vo is da viddahbat-haldah funn di veld? Hott nett Gott di veisheit funn di veld zu dumhayda gmacht?

1. Korinther 7:16

Fa vi vaysht du, fraw, eb fleicht du nett dei mann saylich machsht? Un vi vaysht du, mann, es du nett fleicht dei fraw saylich machsht?

1. Timotheus 6:5

Es bringd en gefecht unnich leit es shlechti gedanka henn un es di voahheit faloahra henn. Si mayna gettlichkeit helft eena veidah kumma im nadiahlicha. Funn so leit hald dich vekk.

2. Timotheus 2:20

In en grohs haus sinn alli sadda ksharra. Dayl sinn gmacht funn gold un silvah un anri sinn holsich un eahdich. Di aynd satt vatt gyoost fa veahtfolli sacha un di annah satt fa sacha es nett so veahtfol sinn.

Titus 2:9

Lann di gnechta fa iahra meishtahra heicha in awl sacha, fa sich kfellich macha zu eena, un nett zrikk shvetza zu eena.

Jakobus 2:20

Du dummah mann, vitt du gvissa sei es da glawva unni verka doht is?