Römer 8:25 - Pennsylvania Dutch Bible

²⁵ Avvah vann miah hoffa fa sell es miah nett sayna, dann voahra miah difoah mitt geduld.

Römer 8:25 ပူးပေါင်းရင်းမြစ်များ

1. Mosi 49:18

Oh Hah, ich voaht fa dei saylichkeit.

Psalm 27:14

Voaht uf da Hah, sei shteik un gedrohsht, ich sawk viddah, voaht uf da Hah.

Psalm 62:1

Mei sayl is shtill un voaht yusht laynich uf Gott; funn eem kumd mei saylichkeit.

Jesoiya 25:9

In sellah dawk zayld's ksawt vadda, “Dess is geviss unsah Gott; miah henn eem gedraut, un eah hott uns saylich gmacht. Dess is da Hah, miah henn unsah fadrauwa in een gedu, vella fraylich un froh sei in sei saylichkeit.”

Jesoiya 26:8

Miah voahra uf dich, oh Hah, diveil es miah in dei gericht lawfa. Miah vella an dich un an dei nohma denka, sell is unsah falanga im hatz.

Lukas 21:19

Deich eiyah geduld greeya eiyah sayla layva.

Lukas 8:15

Avvah da sohma uf em gooda bodda is vi selli vo vann si's Vatt heahra, nemma si's ei un hald es mitt en eahlich un goot hatz, un bringa frucht raus mitt geduld.”

Römer 12:12

Froiyet eich in hofning, seind geduldich in dreebsawl, haldet oh im gebayt.

Römer 2:7

Fa selli es geduldich ohhalda goot du, un hallichkeit un eah sucha, un en layva es nett shtaubt, zu selli gebt eah ayvich layva.

Römer 8:23

Un nett yusht sell, avvah miah selvaht vo di eahsht-frucht fumm Geisht henn, miah aw, henn en innahlichah falanga diveil es miah am voahra sinn fa ohgnumma sei, un unsah leib am voahra is fa frei gmacht sei.

Kolosser 1:11

Miah bayda es diah greftich vaddet mitt alli graft noch sei heilichi macht, so es diah mitt grohsi geduld un fraylichkeit

1. Thessalonicher 1:3

Miah meinda immah fannich unsah Gott un Faddah eiyah eahvet in glawva un leevi, un eiyah geduldichi hofning in unsah Hah Jesus Christus.

2. Thessalonicher 3:5

Da Hah soll eiyah hatza fiahra in di leevi funn Gott, un in di geduld funn Christus.

Hebräer 10:36

Diah hend noht fa geduld havva, so es vann diah Gott sei villa moll gedu hend, dann greeyet diah vass fashprocha voah.

Hebräer 6:12

Dess is so es diah nett aldvannish vaddet, avvah es diah selli nohch machet vo deich da glawva un geduld sell eahva zayla vass fashprocha voah.

Hebräer 6:15

Un so, noch demm es eah geduldich gvoaht hott, hott eah grikt vass fashprocha voah.

Di Offenbarung 1:9

Ich da Johannes binn eiyah broodah, un en mitt-daylah mitt eich in di dreebsawl, im Kaynich-Reich un in di geduld funn Jesus Christus. Ich voah uf em island es Patmos hayst deich's Vatt funn Gott un's zeiknis funn Jesus Christus.

Di Offenbarung 13:10

Vann ennich ebbah im kfengnis sei soll, dann in's kfengnis soll eah gay. Vann ennich ebbah doht macht mitt em shvatt, dann muss eah mitt em shvatt doht gmacht sei. Do is da geduld un glawva funn di saylicha.

Di Offenbarung 14:12

Dess frohkt fa geduld funn di saylicha es di gebodda funn Gott un iahra glawva in Jesus halda.