Römer 12:20 - Pennsylvania Dutch Bible

²⁰ So, “Vann sellah es dich nett gleicht hungahrich is, feedah een; vann eah dashtich is, gebb eem ebbes zu drinka. Fa vann du dess dusht, dann dusht du feiyahrichi kohla uf sei kobb heifla.”

Römer 12:20 ပူးပေါင်းရင်းမြစ်များ

1. Mosi 42:25

No hott da Joseph sei gnechta ksawt fa sei breedah iahra sekk filla mitt frucht un fa yaydah mann sei geld zrikk in di sekk du. Eah hott aw ksawt si sella macha es si ess-sach henn uf em vayk haym. No voah dess alles gedu fa di breedah.

2. Kaynicha 6:22

“Mach si nett doht,” hott da Elisa ksawt. “Daytsht du selli doht macha es du kfanga hosht mitt deim shvatt un bow? Setz broht un vassah fannich si so es si essa un drinka kenna, un no zrikk zu iahra meishtah gay kenna.”

Psalm 120:4

Eah zayld dich shtrohfa mitt en greeks-gnecht sei shaufi arrows, un mitt roht haysi kohla.

Psalm 140:10

Loss roht haysi kohla uf si falla, loss si in's feiyah kshmissa sei, in deefi lechah es si nee nimmi raus kenna.

Matthäus 5:44

Avvah ich sawk eich; diah sellet eiyah feinda leeva. Sayknet dee vo eich faflucha. Doond goodes zu dee vo eich hassa. Baydet fa dee vo eich fafolka un veesht yoosa,

Lukas 6:27

“Avvah ich sawk zu eich vo heahret, leevet eiyah feinda, un doond goot zu selli vo eich hassa.

Römer 12:21

Loss nett's evila dich ivvah-kumma, avvah ivvah-kumm evil mitt goodes.

1. Samuel 26:21

No hott da Saul ksawt, “Ich habb ksindicht. Kumm zrikk, Dawfit mei sohn. Veil du mei layva keshtlich ohksenna hosht heit, dann doon ich diah kenn shawda may. Ich habb mich ohkshikt vi aynah es nett ksheit is un habb oahrich letz gedu.”