Römer 11:33 - Pennsylvania Dutch Bible

³³ Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Römer 11:33 ပူးပေါင်းရင်းမြစ်များ

Esther 2:22

Avvah da Mordecai hott auskfunna difunn, un eah hott di Kaynich-Fraw Esther dess ksawt, un see hott em kaynich ksawt vass da Mordecai ksawt hott.

Hiob 10:13

Un doch hosht du dee sach in deim hatz katt, ich vays es dess in dei meind voah:

Hiob 15:8

Voahsht du am abheicha vo Gott sei himlishah roht gevva hott? Heaht di veisheit zu diah laynich?

Hiob 23:14

Eah drawkt aus vass eah auskshprocha hott veyyich miah, un feel so sacha es noch in sei meind sinn.

Hiob 26:14

Avvah dess is yusht da ohfang funn sei vayya, miah heahra yusht en pishbah funn eem. Veah kann's gviddah funn sei macht fashtay?”

Hiob 33:13

Favass faglawksht du dich zu eem, un sawksht, ‘Eah gebt kenn andvat zu mei vadda’?

Hiob 37:19

Sawk uns vass miah sawwa sedda zu eem, miah sinn im dunkla un vissa nix.

Hiob 37:23

Da Awlmechtich kenna miah nett finna, eah is zu mechtich mitt graft. Sei gerechtichkeit un gericht dutt eah nett beeya.

Hiob 5:9

Eah dutt grohsi un unbegreiflichi sacha, vundahra es nett gezayld sei kenna.

Hiob 9:10

Eah dutt grohsi sacha es nett begreiflich sinn, un vundahra es nett gezayld sei kenna.

Psalm 139:6

So eisicht is zu vundahboah un zu hohch fa mich, ich kann dess nett begreifa.

Psalm 145:3

Da Hah is grohs, un is es veaht fa gepreist sei; sei grohsi eah is unbegreiflich.

Psalm 36:6

Dei gerechtichkeit is vi di berga funn Gott, un dei gericht vi da deef say. Oh Hah, du gebsht acht uf di mensha un's fee.

Psalm 40:5

Feel, oh Hah mei Gott, sinn di vundahboahri sacha es du gedu hosht, un aw dei gedanka veyyich uns. 'Sis nimmand gleich zu diah. Vann ich dee sacha sawwa un fazayla vett, veahra si zu feel fa zayla.

Psalm 77:19

Dei vayk is deich da say ganga, un dei pawt deich di grohsa vassahra, doch dei kshpuah voah nett ksenna.

Psalm 92:5

Vi grohs sinn dei verka, oh Hah, un vi deef dei gedanka!

Psalm 97:2

Volka un's dunkla sinn um een rumm, sei kaynich-shtool is gegrund uf gerechtichkeit un gericht.

Shpricha 25:2

Es is Gottes eah fa sacha zu gedekt halda, avvah's is kaynich-eah fa sacha aussucha.

Shpricha 25:3

Vi di himla hohch sinn, un di eaht deef is, so is es hatz funn kaynicha, veah kann's fashtay?

Breddichah 3:11

Eah hott alles shaynes gmacht an di recht zeit. Eah hott aw di ayvichkeit in mensha iahra hatza ksetzt, avvah doch kann da mensh nett vissa vass Gott gedu hott fumm ohfang biss an's end.

Breddichah 7:24

Vass-evvah es veisheit is, is oahrich deef un veit ab, veah kann's finna un's fashtay?

Breddichah 8:17

no habb ich alles ksenna es Gott gedu hott. Un ich habb ausgmacht es nimmand kann alles fashtay es ohgayt unnich di sunn. Es macht nix aus vi hatt es eah sucht difoah, da mensh kann's nett finna. Even vann ebbah mitt veisheit maynd eah vayst's, doch dutt eah's nett fashtay.

Jesoiya 28:29

Awl dee veisheit kumd fumm Awlmechticha Hah, sei roht is vundahboah mitt grohsi veisheit.

Jesoiya 40:28

Doond diah nett vissa? Hend diah nett keaht? Da Hah is da ayvich Gott, deah es di endah funn di eaht kshaffa hott. Eah vatt nett shvach adda meet, nimmand kann begreifa vi eah sach fashtayt.

Daniel 4:35

Awl di leit uf di eaht sinn gezayld es vi nix. Eah dutt vi eah vill, mitt di macht fumm himmel, un mitt di leit funn di eaht. Nimmand kann sei hand zrikk hayva, Adda zu eem sawwa, “Vass hosht du gedu?”

Römer 2:4

Adda guksht du nunnah uf di reichheit funn sei goot-maynichkeit un geduld? Vaysht du nett es di goot-maynichkeit funn Gott dich an da blatz fiahra sett es du boos dusht?

Römer 9:23

Vass vann eah dess gedu hott fa sei reichi hallichkeit bekand macha zu selli es eah bamhatzich voah ditzu un grisht hott fa hallichkeit—

1. Korinther 2:10

Dess hott Gott bekand gmacht zu uns deich sei Geisht. Fa da Geisht sucht alli sacha aus, yau, aw di deefa sacha funn Gott.

Epheser 1:7

In eem henn miah di saylichkeit deich sei bloot, un unsah sinda sinn fagevva noch sei reichlichi gnawt,

Epheser 2:7

Dess is so es in di zeida vo am kumma sinn, eah uns di unbegreiflich reichheit funn sei gnawt veisa kann deich sei bamhatzichkeit in Christus Jesus.

Epheser 3:10

so es deich di gmay, di himlishi rulahs un ivvah-saynah nau bekand gmacht vadda kenna mitt Gott sei veisheit vo sich veist in mannichi vayya.

Epheser 3:16

so es eah eich graft gebt aus di reichheit funn sei hallichkeit fa shteik vadda im innahlicha mann deich sei Geisht,

Epheser 3:18

so es diah begreifa kennet mitt awl di glawvichi, vi brayt un lang, un deef un hohch, es di leevi Christus is;

Epheser 3:8

Zu miah, even da vennichsht funn awl di glawvicha, hott Gott dee gnawt gevva es ich dee unbegreiflichi reichi sacha funn Christus breddicha dauf zu di Heida,

Kolosser 1:27

Zu selli hott Gott vissa lossa vella vi grohs es dee reich hallichkeit un dee deef sach funn Gott is unnich di Heida; naymlich, Christus in eich, di hofning funn di hallichkeit.