Römer 10:3 - Pennsylvania Dutch Bible

³ Fa diveil es si Gott sei gerechtichkeit nett fashtayn, un vella iahra aykni gerechtichkeit ausshaffa, dann henn si sich nett unnich di gerechtichkeit funn Gott gevva.

Römer 10:3 ပူးပေါင်းရင်းမြစ်များ

Nehemia 9:33

Du bisht gerecht in alles es du uf uns kumma glost hosht, du hosht recht gedu, avvah miah henn letz gedu.

Hiob 33:27

Eah singd fannich leit un sawkt, ‘Ich habb ksindicht, un habb gedu vass nett recht is, avvah ich habb nett grikt vass ich fadeend habb.

Psalm 71:19

Dei gerechtichkeit, oh Gott, langd nuff in da himmel, du es grohsi sacha gedu hosht, oh Gott. Veah is vi du?

Jesoiya 51:1

“Heichet mich oh, diah es am gukka sind fa gerechtichkeit, un es am da Hah sucha sind. Gukket zumm felsa aus demm es diah kakt sind, un's loch es diah raus gegrawva voahret.

Jesoiya 51:6

Machet eiyah awwa uf zu di himla, gukket an di eaht unna droh; di himla zayla fagay vi shmohk, di eaht zayld ausveahra vi glaydah, un selli es drinn voona zayla shteahva un doht gay vi mukka. Avvah mei saylichkeit bleibt fa'immah un mei gerechtichkeit unni end.

Jesoiya 51:8

Fa di shawva fressa si vi glaydah, un di veahm fressa si vi vull. Avvah mei gerechtichkeit bleibt fa'immah, un mei saylichkeit funn layves-zeit zu layves-zeit.”

Jesoiya 56:1

Dess is vass da Hah sawkt: “Haldet vass recht is, un doond gerechtichkeit, fa mei saylichkeit is nayksht, un mei gerechtichkeit vatt gvissa.

Jesoiya 57:12

Ich zayl dei gerechtichkeit un verka abdekka, un si zayla diah nett helfa.

Jesoiya 64:6

Awl funn uns sinn vadda vi selli es unrein sinn; awl unsah gerechti verka sinn vi drekkichi lumba, miah favelka vi bleddah un unsah sinda drawwa uns vekk vi da vind.

Glawk-Leedah 3:22

Em Hah sei shtandhaftichi-leevi heaht nee nett uf, sei bamhatzichkeit hott kenn end.

Daniel 9:24

Sivvatzich mohl sivva vocha is di zeit es ksetzt is fa dei leit un eiyah heilichi shtatt fa ufheahra ivvah-dredda. Fa en end macha funn sinda, fa opfahra macha fa ungettlichkeit, fa ayvichi gerechtichkeit rei bringa, fa di vision un vass gebroffetzeit is uf seala un fa's Alli-Heilichshta salba.

3. Mosi 26:41

un mich gmacht henn geyyich si drayya un si in iahra feinda iahra land shikka—vann iahra hatza moll gedaymeedicht sinn un si shtrohf ohnemma fa iahra sinda,

Lukas 10:29

Avvah eah hott nett vella di eah ufgevva, so hott eah Jesus kfrohkt, “Veah is mei nochbah?”

Lukas 16:15

No hott eah ksawt zu eena, “Diah sind selli vo gukka vella vi gerechti mennah fannich di leit, avvah Gott vayst vass in eiyah hatza is. Fasell vass hohch uf kohva is fannich leit, is en hass fannich Gott.”

Römer 1:17

Im Effangaylium is di gerechtichkeit funn Gott raus gebrocht. Dess kumd deich da glawva un im glawva, so vi's kshrivva is, “Da gerecht zayld layva beim glawva.”

Römer 10:2

Ich gebb eena zeiknis es si eahnshtlich sinn fa Gott, avvah iahra eahnsht is nett gebaut uf rechti eisicht.

Römer 10:20

Avvah da Jesaia hott grawt fanna rumm ksawt, “Ich voah kfunna bei selli es mich nett ksucht henn; ich habb mich gvissa zu selli es miah nett nohch kfrohkt henn.”

Römer 11:7

Vass no? Israel hott nett grikt vass es ksucht hott, avvah dee vo raus groofa sinn henn's grikt. Di anra voahra hatt-hatzich gmacht.

Römer 3:22

Dess is di gerechtichkeit funn Gott deich da glawva an Jesus Christus vo kumd zu alli-ebbah un uf alli-ebbah es glawbt, fa's is kenn unnahshitt.

Römer 3:26

Eah hott dess gedu fa sei gerechtichkeit veisa an deahra zeit, so es eah gerecht is, un macht aw selli gerecht vo an Jesus glawva.

Römer 5:19

Fa vi deich ay mensh es nett keicht hott, feel leit sindah vadda sinn, so aw deich aynah es keicht hott, sinn feel leit gerecht vadda.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

5. Mosi 6:25

Un's zayld unsah gerechtichkeit sei vann miah dess gans gebott halda fannich em Hah unsah Gott, grawt vi eah uns gebodda hott.”

Philipper 3:9

un in eem kfunna sei kann. Ich habb kenn gerechtichkeit funn mei aykni es kumd fumm Ksetz, avvah yusht selli vo kumd deich da glawva an Christus—dess is di gerechtichkeit vass kumd funn Gott un vo gegrund is uf em glawva.

2. Petrus 1:1

Simon Petrus, en gnecht un en aposhtel funn Jesus Christus, zu selli es da keshtlich glawva grikt henn es gleicha is zu unsahm, deich di gerechtichkeit funn unsah Gott un Heiland, Jesus Christus.