Römer 1:32 - Pennsylvania Dutch Bible

³² Si vissa Gott sei gerechti gebodda, es selli vo so sacha doon, fadeena da doht. Even so, doon si nett yusht ohhalda dee sacha du, avvah si henn aw blesiah in anri es si doon.

Römer 1:32 ပူးပေါင်းရင်းမြစ်များ

Psalm 50:18

Vann du en deeb saynsht, dann lawfsht du mitt eem, du haldsht dich uf mitt aybrechah.

Shpricha 28:4

Selli es es ksetz falossa, lohva di gottlohsa, avvah selli es es ksetz halda, shaffa geyyich si.

Hosea 7:3

Si macha da kaynich froh mitt iahra ungettlichkeit, un di evvahshti mitt iahra leeya.

Lukas 11:48

So sind diah zeiya ditzu un aynich mitt vass eiyah foah-eldra gedu henn; fa si henn di brofayda doht gmacht un diah bauwet iahra grayvah.

Di Apostelgeschichte 22:20

Vo dei zeiya, da Stephen, umgebrocht is vadda, havvich dibei kshtanna un mei vatt ditzu gevva fa een doht macha. Ich habb acht gevva uf di glaydah funn denna vo een umgebrocht henn.’

Di Apostelgeschichte 8:1

Da Saul voah aynich mitt demm es si da Stephen doht gmacht henn. An di do zeit hott di gans gmay an Jerusalem feel sacha deich macha missa. Awl di leit, es vi di aposhtla, sinn ausnannah gedrivva vadda deich di lendah funn Judayya un Samaria.

Römer 1:18

Fa da zann funn Gott is gvissa gmacht fumm Himmel geyyich awl gottlohsi sacha un ungerechtichkeit funn mensha, vo mitt iahra ungerechtichkeit di voahheit zrikk hayva.

Römer 1:21

Diveil es si gvist henn es Gott is, henn si eem di hallichkeit nett gevva es Gott, adda een gedankt, avvah iahra gedanka sinn leah un nix veaht vadda, un iahra unfashtendichi hatza sinn dunkel vadda.

Römer 6:21

Vass hott's eich gebatt fa selli sacha du es diah nau eich shemmet diveyya? Fa's end funn selli sacha is da doht.

Römer 6:23

Fa da lohn funn di sind is da doht, avvah's frei kshenk funn Gott is ayvich layva in unsahm Hah Jesus Christus.

2. Thessalonicher 2:12

Dess is so es awl selli leit gricht vadda sella vo di voahret nett geglawbt henn, avvah henn blesiah katt in ungerechtichkeit.