Richtah 3:15 - Pennsylvania Dutch Bible

¹⁵ Di Israeliddah henn no viddah da Hah ohgroofa un eah hott aynah raus groofa fa si frei macha. Eah voah da Ehud, en lings-handichah mann un da boo fumm Gera en Benjaminiddah. Di Kinnah-Israel henn tax geld uf gmacht un henn's zumm Eglon, da kaynich funn Moab, kshikt deich da Ehud.

Richtah 3:15 ပူးပေါင်းရင်းမြစ်များ

2. Samuel 20:10

Da Amasa hott sich nett bekimmaht veyyich em shvatt im Joab sei hand, un da Joab hott's im Amasa sei bauch nei kshohva. Sei deahm sinn raus kumma uf da bodda, un eah is kshtauva unni viddah kshtocha vadda. No is da Joab un sei broodah da Abisai em Seba nohch ganga, deah es em Bichri sei boo voah.

2. Samuel 20:9

Da Joab hott ksawt zumm Amasa, “Vee bisht du, mei broodah?” No hott da Joab hohld gnumma am Amasa sei boaht mitt sei rechtsi hand fa eem en kuss gevva.

1. Chronik 12:2

Si henn iahra bows bei sich katt un henn arrows sheesa kenna, un shtay shlinga kenna mitt di rechts adda di lings hand. Si voahra fumm Saul sei freindshaft in di shtamm fumm Benjamin:

1. Chronik 8:3

Di nayma fumm Bela sei boova voahra: Addar, Gera, Abihud,

1. Chronik 8:5

Gera, Sephuphan un Huram.

2. Chronik 9:24

Yoah noch yoah, alli-ebbah es kumma is, hott kshenkah gebrocht—silvah un goldich sach, glaydah, greeks-ksha, shpeis, geil un aysla.

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Psalm 78:34

Vann eah da doht unnich si gebrocht hott, henn si Gott ksucht un henn sich zu eem gedrayt.

Psalm 90:15

Mach uns froh grawt so feel dawk es du uns dreebsawl gevva hosht, un so feel yoahra es miah druvvel katt henn.

Shpricha 18:16

Em mann sei kshenk macht di deah uf fa een, un bringd een fannich hohch-geahdi mennah.

Shpricha 19:6

Feel shmaychla sich oh mitt di evvahshta, un alli-ebbah is en freind funn selli es kshenkah ausgevva.

Shpricha 21:14

En kshenk es hinna rumm gevva is, drayt da zann; un en betzawling fashtekkeld kalda, drayt even grohsah zann.

Jesoiya 36:16

Heichet da Hiskia nett ab. Dess is vass da kaynich funn Assyria sawkt: Machet fridda mitt miah un kummet raus. No zayld alli-ebbah funn sei ayknah vei-shtokk un feiya-bohm essa un vassah drinka funn sei ayknah sistahn,

Jeremia 33:3

‘Roof mich oh, un ich gebb diah andvat, un sawk diah grohsi un mechtichi sacha es du nett vaysht.’

Richtah 2:16

No hott da Hah richtah raus kshteld un si henn di leit frei gmacht funn di leit es si grawbt henn.

Richtah 20:16

Unnich awl dee greeks-gnechta voahra sivva hunnaht oahrichi goodi mennah es lings voahra. Yaydah funn eena hott en shtay shmeisa kenna mitt en shling noch ay hoah un si nett fafayla.

Richtah 3:14

Di Kinnah-Israel henn da Eglon, da kaynich funn Moab, gedeend fa achtzay yoah.

Richtah 3:16

Da Ehud hott sich en zvay-shneidich shvatt gmacht es baut en foos unna halb lang voah. Eah hott dess fesht gmacht uf sei rechtsi hift unnich sei vammes.

Richtah 3:9

Avvah vo di Kinnah-Israel da Hah ohgroofa henn, hott eah ayns funn eena raus groofa fa si frei macha. Eah voah da Othniel, em Kenas sei boo un da Kenas voah em Kaleb sei yingahrah broodah.

Richtah 4:3

Eah hott nein hunnaht eisichi greeks-veyya katt un hott di Kinnah-Israel veesht gyoost fa zvansich yoah. Fasell henn di Kinnah-Israel da Hah oahrich ohgroofa.

1. Samuel 10:27

Avvah samm nix-nutzichi mennah henn ksawt, “Vee kann deah kall uns frei macha?” Un si henn een fa'acht un henn eem kenn kshenk gebrocht. Avvah da Saul hott nix ksawt diveyya.