Richtah 20:25 - Pennsylvania Dutch Bible

²⁵ Dessamohl vo di mennah funn Benjamin aus di shtatt Gibea kumma sinn henn si achtzay dausend Israeliddah doht gmacht. Dess voahra awl mennah mitt shvadda.

Richtah 20:25 ပူးပေါင်းရင်းမြစ်များ

1. Mosi 18:25

'Sis goah nett vi dich fa so en ding du—fa di gerechti umbringa mitt di ungerechta, es vann di gerechta un di ungerechta gleicha veahra. Dess is goah nett vi dich! Sett nett da Richtah funn di gans veld du vass recht is?”

1. Mosi 49:27

Da Benjamin is vi en hungahrichah volf, meiyets frest eah vass eah kfanga hott, un ohvets fadayld eah vass ivvahrich is.”

Psalm 97:2

Volka un's dunkla sinn um een rumm, sei kaynich-shtool is gegrund uf gerechtichkeit un gericht.

Hosea 10:9

“Siddah di dawwa funn Gibea hosht du ksindicht, oh Israel, un in dee sinda shtaynd diah noch. Zayld nett greek di sindah in Gibea ivvah-nemma?

Römer 11:33

Vi deef is doch di reichheit, di veisheit un di eisicht funn Gott. Nimmand kann sei richtes fashtay, un nimmand kann sei vayya ausfinna.

Römer 2:5

Avvah deich dei hatt hatz vass dich nett lost boos du, bisht du am zann ufshtoahra fa sellah dawk funn zann. Sell is vann Gott sei gerecht gerichtes sich veisa dutt.

Römer 3:5

Avvah vann unsah ungerechtichkeit Gott sei gerechtichkeit raus bringd, vass sella miah sawwa? Sella miah sawwa Gott is ungerecht veil eah sei zann uf uns bringd? (Ich shvetz vi mensha shvetza.)

Richtah 20:21

No sinn di mennah funn Benjamin aus Gibea kumma, un henn zvay un zvansich dausend Israeliddah doht gmacht sellah dawk.

Richtah 20:24

No sinn di Israeliddah da zvett dawk geyyich di mennah funn Benjamin ganga.

Richtah 20:26

No sinn awl di Israeliddah nuff an Beth-El ganga un henn keild. Si voahra datt fannich em Hah un henn kfasht biss ohvets. Datt henn si brand-opfahra un dank-opfahra gopfaht fannich em Hah.