Richtah 18:19 - Pennsylvania Dutch Bible

¹⁹ Si henn eem ksawt, “Sei shtill, sawk nix! Kumm mitt uns un sei unsah faddah un preeshtah. Is es nett bessah es du abvoahtsht es en preeshtah fa en gans shtamm un kshlecht funn Israel es vi yusht abvoahra uf ay mann sei haus?”

Richtah 18:19 ပူးပေါင်းရင်းမြစ်များ

2. Kaynicha 13:14

Nau vo da Elisa grank vadda is mitt di granket es eah kshtauva is mitt, dann is da Kaynich Joas funn Israel nunnah ganga zu eem un hott keild ivvah een. Eah hott ksawt, “Mei faddah! Mei faddah! Di greeks-veyya funn Israel un iahra geils-mennah!”

2. Kaynicha 6:21

Vo da kaynich funn Israel si ksenna hott, hott eah da Elisa kfrohkt, “Soll ich si doht macha, mei faddah? Soll ich si doht macha?”

Hiob 21:5

Gukket an mich un seind fashtaund, doond eiyah hand ivvah eiyah maul.

Hiob 29:9

di evvahshti henn ufkeaht shvetza, si henn iahra meilah zu kohva mitt iahra hend,

Shpricha 30:32

Vann du dich dumm ohkshikt hosht, un dich uf gebraekt hosht, adda evil im sinn katt hosht, dann du dei hand ivvah dei maul hayva.

Micha 7:16

Di heida zayla dess sayna un sich shemma; si zayla kenn macht havva. Si zayla iahra hend ivvah iahra maul du un iahra oahra vadda dawb.

Matthäus 23:9

Un diah sellet nimmand uf di eaht eiyah faddah haysa fa diah hend ay faddah un eah is im Himmel.

Richtah 17:10

No hott da Micha ksawt zu eem, “Bleib do bei miah un sei en faddah un en preeshtah zu miah, un ich gebb diah zeyya shtikkah silvah's yoah mitt dei glaydah un dei kosht.” So is da Lefiddah nei ganga.

Richtah 18:18

Vo dee mennah nei ganga sinn un henn's gleichnis, da preeshtah-shatz, di anra haus-getza un da kshmolsa abgott gnumma, hott da preeshtah ksawt, “Vass sind diah am du?”

Richtah 18:20

No voah da preeshtah froh gvest. Eah hott da preeshtah-shatz, di anra haus-gettah un's gleichnis gnumma un is mitt di Daniddah ganga.