Richtah 16:6 - Pennsylvania Dutch Bible

⁶ So hott di Delilah ksawt zumm Samson, “Sawk miah, vass macht dich so shteik? Vee kend ebbah dich binna es du diah nett helfa kensht?”

Richtah 16:6 ပူးပေါင်းရင်းမြစ်များ

Nehemia 6:4

Si henn miah fiah moll kshrivva mitt di sayma vadda, un alli moll habb ich eena di saym andvat gevva.

Psalm 12:2

Alli-ebbah leekt zu nannah; si shvetza gladdi vadda mitt iahra leftz un shvetza mitt zvay hatza.

Shpricha 22:14

Es maul funn en huah is vi en deef loch, sellah es Gott zannich is mitt fald datt nei.

Shpricha 26:28

En falshi zung hast selli leit es see vay dutt, un gladdi leftz bringa yusht fadeahves.

Shpricha 6:26

Fa en huah lost ebbah mitt yusht ay layb broht, un en aybrechichi fraw nemd eem sei layva vekk.

Shpricha 7:21

See hott een fashvetzt mitt iahra shlichtich kshvetz, un hott een nei kshvetzt mitt gladdi vadda.

Micha 7:2

Di gettlicha leit sinn awl fatt in demm land, 'sis nett ay ufrichtichah mensh ivvahrich. Alli-ebbah is am voahra fa ebbah doht macha, alli-ebbah is am sei broodah hunda mitt en fall.

Micha 7:5

Du daufsht dei nochbah nett drauwa, nett even dei freind. Gebb acht vass du sawksht, even zu dei fraw.

Richtah 14:17

See hott gebrild di gans sivva dawk fumm grohs essa. So uf em sivvada dawk hott eah endlich iahra's ksawt veil see een so gegvayld hott. No is see ganga un hott iahra leit's ksawt.

Richtah 16:5

No sinn di roolahs funn di Philishtah zu iahra kumma un henn ksawt zu iahra, “Gukk moll eb du een fashvetza kansht fa diah veisa vo sei grohsi graft leit. Finn aus vi miah een ivvah-kumma kenna, so es miah een binna kenna es eah sich nett helfa kann. No gebt yaydahs funn uns diah elf hunnaht shtikkah silvah.”

Richtah 16:7

Da Samson hott iahra ksawt, “Vann ebbah mich bind mitt sivva frishi, leddah bendla es noch nett gedrikkeld sinn, no doon ich shvach vadda grawt vi en anra mann.”