Richtah 14:18 - Pennsylvania Dutch Bible

¹⁸ Eb di sunn unnah ganga is uf em sivvada dawk henn di leit funn di shtatt ksawt zu eem, “Vass is seesah es hunnich? Vass is shteikah es en layb?” Da Samson hott ksawt zu eena, “Vann diah nett geblookt heddet mitt mei rind, heddet diah mei riddle nett ausgmacht.”

Richtah 14:18 ပူးပေါင်းရင်းမြစ်များ

2. Samuel 1:23

Da Saul un da Jonathan, si voahra glohbt un leeblich im layva, un nett funn-nannah gedu im doht. Si voahra kshvindah es awdlah, si voahra shteikah es di layb.

Psalm 81:16

Avvah ich dayt eich feedra mitt em beshta vaytza; ich dayt eich satt macha mitt hunnich aus em felsa.”

Shpricha 30:30

en layb, en mechtich diah, en diah es nett vekk shpringd funn ennich ebbes;

Ezekiel 1:10

Veyyich iahra ksichtah, fanna hott yaydahs en ksicht katt funn en mensh, uf di rechts seit en ksicht funn en layb, uf di lings seit en ksicht funn en bull un hinna en ksicht funn en awdlah.

Richtah 14:17

See hott gebrild di gans sivva dawk fumm grohs essa. So uf em sivvada dawk hott eah endlich iahra's ksawt veil see een so gegvayld hott. No is see ganga un hott iahra leit's ksawt.

Richtah 14:19

No is da Geisht Gottes uf een kumma mitt graft, un eah is nunnah in Askalon ganga un hott dreisich mennah doht gmacht, hott iahra glaydah gnumma un hott si gevva zu selli es da riddle ksawt katt henn. Eah hott gebrend mitt zann un is zrikk zu sei daett sei haus ganga.