Richtah 11:35 - Pennsylvania Dutch Bible

³⁵ Vo eah see ksenna hott, hott eah sei glaydah farissa un hott ksawt, “Oh mei dochtah, du hosht mich oahrich bedreebt un gedruvveld gmacht, veil ich en fashprechnis gmacht habb zumm Hah un ich kann's nett zrikk nemma.”

Richtah 11:35 ပူးပေါင်းရင်းမြစ်များ

2. Samuel 18:33

Da kaynich voah oahrich gedroffa. Eah is nuff in di shtubb ganga ovvich em doah un hott keild. Vi eah ganga is hott eah ohkalda sawwa, “Oh mei kind Absalom! Mei kind, mei kind Absalom! Vann yusht ich kshtauva veah in blatz funn dich—oh Absalom, mei kind, mei kind!”

2. Samuel 3:31

No hott da Dawfit ksawt zumm Joab un awl di leit mitt eem, “Fareiset eiyah glaydah, doond sekk-glaydah oh un veinet fa da Abner.” Da Kaynich Dawfit is selvaht hinnich di lawt nohch gloffa.

Hiob 1:20

No is da Hiob ufkshtanna, hott sei glaydah farissa un hott sei kobb kshayft. Eah is no nunnah uf da bodda kfalla un hott gebayda:

Psalm 15:4

Eah gukt nunnah uf di gottlohsa, avvah eah gebt eah zu selli es da Hah firchta. Eah hald sei vatt, even vann's eem selvaht vay dutt.

Psalm 66:13

Fasell zayl ich in dei haus gay mitt brand-opfah, un uf opfahra zu diah vass ich fashprocha habb,

Psalm 66:14

sell vass mei leftz ksawt henn un mei maul fashprocha hott vo ich in druvvel voah.

4. Mosi 14:6

Da Joshua, em Nun sei boo, un da Kaleb, em Jephunne sei boo, dee es unnich selli voahra es es land ausgegukt henn, henn iahra glaydah farissa.

Di Apostelgeschichte 23:14

Si sinn no zu em hohchen-preeshtah un di eldishti ganga un henn ksawt, “Miah henn uns fesht gmacht mitt shveahra fa nix essa biss miah da Paulus umgebrocht henn.

Joshua 7:6

Da Joshua hott sei glaydah farissa un is mitt sei ksicht uf di eaht kfalla fannich di Bundes-Lawt fumm Hah biss ohvets. Eah un di eldishti funn Israel henn dess gedu, un si henn shtawb uf iahra kebb gedu.